التوقيت الجمعة، 29 مارس 2024
التوقيت 03:47 ص , بتوقيت القاهرة

فيديو| الغيطي لسوزان مبارك: فيه إعلاميين كانوا أحذية في رجل جمال

هاجم الإعلامي محمد الغيطي تصريحات سوزان مبارك الأخيرة مع الصحفية الكويتية فجر السعيد والتي قالت فيها بأن جمال لم يكن ينوي ممارسة الحياة السياسية ، وانه لم يكن هناك نية لترشحه في الانتخابات، فقال الغيطي معلقا: ده انا اعرف اعلاميين كانوا شغالين احذية في رجل جمال مبارك واحمد عز.


وتابع الغيطي خلال برنامجه صح النوم على فضائية التحرير مساء الجمعة:" اسكتي ماتتكلميش خالص احنا شوفنا منكم لحد ما اتكرعنا وسيبتولنا اكبر نسبة فساد في العالم، ده الدستور بتاع المادة 76 لسنة 2005 اتعدل عشان خاطر عيون جمال مبارك واللي هو كان امين لجنة السياسات في الحزب الوطني وهذا كذب وكل الوزراء بيشهدوا بالجوابات اللي كانت بتوصله قبل ما توصل لأبوه وانا عندي صورة وانس الفقي بيعدل لجمال الكرافتة بتاعته.


وأضاف الغيطي مهاجما سوزان مبارك: امال اخواتك كانوا بيعملوا ايه؟، انا اعرف واحد منهم كان بيعمل كل حاجة ، من اول الشغل في الطيران لحد انشاء شركة انتاج فني ، وكنتوا بتتعاملوا مع البلد كأنها عزبة واحنا رعاية مش مواطنين.