قام الإعلامي جابر القرموطي بفعل غريب على الهواء، كعادته، وذلك في أثناء تعليقه على أحد الأخبار بتسريب بعض من كلام الرئيس عبدالفتاح السيسي مع الإعلاميين، حيث قال القرموطي مقلدا صوت الديك "كاك كاك كاك، على رأي فاتن حمامة وبنتها لما كانوا مع عماد حمدي الله يرحمه".

وأضاف القرموطي، خلال برنامجه مانشيت على فضائية أون تي في، مساء الأربعاء، أن تسريب كلام من داخل لقاء السيسي بالإعلاميين غير مقبول، مؤكدا "زي ما تكون قاعد مع رئيس القناة ويقولك ماتقولش الخبر ده، وبعدين تطلع إنت تسرب الخبر وتقول ماحدش يقول إني قولت كده، ده معناه إنك ماحترمتش المكان اللي إنت مدين ليه، واللي بتاكل منه عيش، ولا احترمت المكان اللي ائتمنك على سر".