هاجم الشيخ خالد الجندي الإعلامية ريهام سعيد مرة أخرى، واتهمها بأنها تسببت في نشر الخرافات والغيبيات وجعلت نصف المسلمين لا يدخلون الحمام، مضيفا: "نص المسلمين مش عارفين يعملوا بيبي لاحسن شمهورش يركبهم، ويضطروا يجيبوا الأقرع الشجاع يطلع لهم الجن، وانتشرت الخرافات في برامج التليفزيون وفتاة الشازلونج" قاصدا ريهام سعيد.

وأضاف الجندي خلال برنامجه نسمات الروح على فضائية الحياة اليوم الجمعة، "إحنا في كارثة وعايزين يدخلونا شرانق التغييب، لما تكلمني عن القبر وعذابه يبقى إنت بتغيبني، ولما تكلمني عن علامات الساعة والجن والعفاريت والأمور الغيبية يبقى إنت بتغيبني".

وتابع الجندي مستنكرا: "كل الناس سبقتنا وبتتكلم في العلوم والهندسة، ولما تدخل على مواقع المسلمين تلاقيهم بيكفروا بعض، واحنا في كارثة وفي أزمة حقيقية".