التوقيت الثلاثاء، 19 مارس 2024
التوقيت 11:16 ص , بتوقيت القاهرة

يحيي الموجى .. "المهرجانات" زوبعة وهتخلص وحمو بيكا مينفعش مطرب وشاكوش صوته حلو

 يحيى الموجي
يحيى الموجي

" أغانى المهرجانات مش فن خالص هى  فرقعة في الهواء وموضة وهتخلص  " هكذا تحدث الموسيقار يحيي الموجى ابن الفنان الكبير الراحل محمد الموجى عن رأيه في مطربين المهرجانات 

وقال يحيى الموجى ل" اليوم السابع"  في فرق كبير بين الأغاني الشعبية الجميلة اللي كتير منا سمعها واتربي عليها جيل كامل وبين ما يحدث الأن من مطربي المهرجانات وأغانيهم التى لا تعبر عن أي فن ومينفعش نقول عن حمو بيكا مطرب ده واحد بيتكلم مش بيغنى ازاي نقول عليه فنان و حسن شاكوش صوته حلو ولكنه دخل في المهرجانات عشان الفرقعة ويعجل بشهرته وأغنية بنت الجيران لحنها حلو عشان متاخدة  من أغنية للمطرب محمد حماقي لملحن محمد مدين.

 

واضاف الموجى المطربين الشعبيين بيقدموا فن جميل مثل حسن الأسمر و حكيم وسعد الصغير ومن الزمن القديم محمد عبد المطلب ومحمد رشدى كل هؤلاء قدموا فن وأغانى فيها جمل موسيقية ومقامات حلوة .

 

وعن ما إذا يقبل تلحين أغنية مهرجانات قال يحيي الموجى  الموجى لا طبعا مينفعش أشتغل مع مطربين المهرجانات أنا متربي علي الفن الجميل لوالدى الموسيقار محمد الموجى وبليغ حمدى وعبد الحليم قائلا " أنا مش بسمع مهرجانات ومش معقول أعمل لهم لحن "