في الحلقة الأولي يا أصحابي قولتلكم إزاى الدكاترة بيقوموا بدور كبير وعظيم علشان يحمونا من فيروس كورونا

الحلقة دي هقولكم كمان ظباط الجيش بيعملوا إيه علشان يحافظوا علينا

الجيش يا أصحابى هو العمود الفقرى لبلدنا هو اللي بيحمينا من أى عدو خارجي

ولما بدأ يظهر فيروس كورونا في بلدنا ظهر كمان دور إضافي وقوي للجيش

مثلا لما قالولنا لازم نقعد في البيت كل يوم علشان نحمي نفسنا كان الجيش بيتأكد بنفسه احنا سمعنا الكلام ولا لا

بينزل الشارع في الوقت ده ويشوف فعلا احنا ملتزمين ولا لا وكان بيطبق القانون علي اي حد بيخالف كلامه

وكمان يا أصحابي الجيش قرر إنه يوفرلنا كل المستلزمات الطبية اللي هنحارب بيها الفيروس وتساعدنا اننا نحمي نفسنا منه

علشان كده لازم نقول لكل أفراد جيش بلدنا شكرا ليكم وربنا يحميكم.