التوقيت الأحد، 05 أبريل 2020
التوقيت 02:51 م , بتوقيت القاهرة

إزاي نقضي على كورونا بدون أدوية؟

اليابان كانت أول دولة ينتقلها فيروس كورونا من الصين، ودا كان في 15 يناير 2020.. ورغم كده ماسجلتش لغاية دلوقتي إلا 30 حالة وفاة، وحوالي 1000 إصابة.. وهو رقم قليل جدا لو قارناه مثلا بضحايا الفيروس في إيران وإيطاليا وأسبانيا وفرنسا وألمانيا..

ودا إلا خلى مجلة "لوبوان الفرنسية" تبحث عن السر، ولقت إن نجاح الإمبراطورية اليابانية في القضاء على كورونا بيرجع إلى مجموعة من العوامل، أهمها:

1- الكشف السريع عن بؤر انتشار المرض.

2- عزل المرضى الذين لا يعانون حتى من الأعراض في المستشفيات.

3- عدم اتخاذ إجراءات متشددة زي معظم دول العالم، لكن السلطات اليابانية أوصت فقط بالامتناع عن التجمعات.. واستجاب اليابانيون لأنهم  منضبطون للغاية.. زي عندنا بالظبط..

4- زيادة الوعي والاهتمام بالنظافة الشخصية والعامة.. وبصراحة نظافة اليابانيين حاجة تغيظ..

5- ارتداء الكمامات واتباع إرشادات السلامة الصحية..

 

بس يا سيدي.. إحنا كمان نقدر نعمل زي اليابان، ونقضي على كورونا بدون أدوية.. بس نحب الحياة، ونحب نفسنا شوية، ونلتزم بالتعليمات..