التوقيت الجمعة، 29 مارس 2024
التوقيت 10:26 ص , بتوقيت القاهرة

سيد رجب باحتفالية القبائل المصرية: "العيلة" هى وطننا مصر

سيد رجب باحتفالية القبائل المصرية
سيد رجب باحتفالية القبائل المصرية

أكد الفنان سيد رجب، العائلة الكبيرة هى الوطن وهى مصر، قائلا:"العيلة هى الوطن وهى مصر وكل عيلة فيها كبير، كبير بحبه وعطفه وحكمته وخبرته وعلشان كده لازم نحترمه ونجله ونسمعه ونتعلم منه، وعندنا فى مصر بقى كتير، كل عيلة وكل نجع وقرية ومدينة فيها ناس كبار لازم يتحطوا على الراس من فوق".

وأضاف خلال كلمته باحتفالية مصرنا التى ينظمها مجلس القبائل والعائلات المصرية، فى استاد القاهرة، : "كنت بفكر يعنى إيه بلدى، يعنى ايه وطن، مصر يعنى ايه، هل هى الحدود الجغرافية اللى كلنا عارفينها هلى هى نيلنا العظيم والمدن والمحافظات هل هى الأهرام توتاريخنا العريق؟".

 

وتابع: "صحيح مصر كل ده، بس أنا لما بسافر برة مصر، بشتاق لمصر، بشتاق لمين؟ لولادى؟ لمراتى واخواتى؟ لأصحابى وجيرانى؟ لعم سعيد صاحب الكشك؟ لزمايلى فى المسرح؟ لزمايلى وأنا بعمل أخر مسلسل عن الأسرة والعيلة؟ صح أنا بشتاق للعيلة بشتاق ليكم كلكم أهلى وناسى وسندى لما بكون محتاج للسند أكيد منكم اللى سافر برة مصر عاش التجربة دى لما شاف واحد مصرى زيه فى الغربة وحس إنه شاف مصر كلها".

 

واستكمل: "يمكن الأجيال الجديدة لسه متعرفش يعنى ايه عيلة بس لما يكبروا هيعرفوا يعنى العيلة هى الوطن وهى مصر وكل عيلة فيها كبير، كبير بحبه وعطفه وحكمته وخبرته وعلشان كده لازم نحترمه ونجله ونسمعه ونتعلم منه، وعندنا فى مصر بقى كتير، كل عيلة وكل نجع وقرية ومدينة فيها ناس كبار لازم يتحطوا على الراس من فوق".

 

واختتم :"كنت بقول لابنى لازم تحترم الكبير عشان بكرة هتبقى انت الكبير، وأنا واقف وسطيكم حاسس بالدفا والأمان يا رب احفظ لمتنا، تحيا مصر، يا ربا حفظها واحفظ لمتها، قولوا أمين"، ورددت الجماهير :"آمين"

 

وقدمت مجموعة من الفرق الاستعراضية بمختلف محافظات الجمهورية فقرات غنائية واستعراض بإحتفالية "شعب واحد.. وأيد واحدة.. ووطن واحد" التى ينظمها مجلس القبائل والعائلات المصرية، بمشاركة جميع أبناء وطوائف الشعب المصرى، باستاد القاهرة، من سيناء، أسوان، الإسكندرية، والصعيد، ووجه بحرى.

 

وتهدف المؤتمرات والاحتفالات التى يعقدها مجلس القبائل والعائلات المصرية إلى دعم الرئيس السيسي والدولة المصرية، خاصة فى ظل التحديات الإقليمية التى تواجه المنطقة، ووجود اضطرابات تهدد الأمن القومي المصري بشكل مباشر، وينظم اتحاد القبائل المصرية سلسلة مؤتمرات بدأها بمؤتمر حاشد في قنا وبعدها مؤتمر المنصورية بالجيزة وصولا إلى الاحتفالية المكررة عقدها اليوم.