التوقيت الخميس، 28 مارس 2024
التوقيت 12:21 م , بتوقيت القاهرة

فيديو معلوماتى.. متغسلش اللحمة قبل وضعها بالثلاجة.. حقيقة 12 شائعة عن الأكل

لحمة
لحمة

مع انتشار وسائل التواصل الاجتماعى، والصفحات المتخصصة فى الأغذية، بقى من السهل نشر أى معلومة عن أكلنا دون التأكد من صحتها، مش بس كده، إحنا أغلبنا كمان بيصدق مضمون المنشورات دى، وعشان كده "اليوم السابع"، فى التقرير ده بيحاول يوضح حقيقة مجموعة من المعلومات اللى انتشرت بشكل كبير الفترة الاخيرة، وفق ما أكدته الدكتورة شيرين زكى، رئيس لجنة سلامة الغذاء والمتابعة الميدانية، بالنقابة العامة للأطباء البيطريين.

1-   اللحمة تتغسل قبل ما تتحفظ.. لا ده غلط.. اللحمة متتغسلش لأنك كده بتبوظ تشميعها، اللحمة تتشطف بس قبل طبخها.

 

2-   اللحمة ما تطبخش وهى مجمدة، أفضل حل ليها نسيبها على رف الثلاجة الأخير، قبل طبخها بيوم، ومش لازم تفك بشكل كامل.

 

3-    البيض يتغسل قبل وضعه فى الثلاجة، لا، ده غلط، لأنك كده بتلوث محتواه الداخلى، والبيض بيتغسل قبل الاستعمال فقط.

 

4-   الفراخ بقى عكس اللحمة، لأنك لازم تغسلها بالماء والخل قبل ما تحفظها فى الفريزر.

 

5-    أقصى مدة لحفظ الأكل المطبوخ فى الثلاجة 3 أيام بس.

 

6-   الشاى أبو لبن مش سام، واللبن بالكاكاو مش ضار، بس حاول ترشد استهلاكهم.

 

7-   الميكروويف مش ضار فى تسخين الأكل، بشرط استخدام الأوانى المخصصة له، زى الزجاج أو البايركس أو الاركوبال.

 

8-    اللبن المبستر مش محتاج يتغلى، واشترى الألبان المبسترة قصيرة الأجل، اللى صلاحيتها أيام، عشان فايدتها أعلى من المبسترة طويلة الأجل.

 

9-   حاول تتجنب استخدام مبيض القهوة لضرره الكبير على الصحة، واستبدله باللبن.

 

10-                      الأرز لما يبات فى التلاجة مش سام، بشرط تحفظيه فى مدة أقصاها ساعتين من طهيه

 

11-                      السمك لازم ننزع راسه وأحشاءه قبل ما نحفظه فى الفريزر، عشان ما يفسدش أو يتغير طعمه.

 

12-                      الرنجة والفسيخ قبل استخدامهم، من الافضل نحفظهم لمدة 48 ساعة فى الفريزر لقتل أى طفيليات فيهم.