التوقيت الإثنين، 17 فبراير 2020
التوقيت 10:28 م , بتوقيت القاهرة

حادث أفقده الحركة ويحلم بالعودة للحياة.. حكاية إبراهيم

حالة إنسانية
حالة إنسانية

ينتظر إبراهيم رجب، أهل الخير من أطباء مصر بنظرة أمل فهل من مجيب.. هو شاب طيب من أبناء قرية ريفية تعرض لحادث أثناء عودته من عمله أفقده الحركة بالكامل وأصيب بكسر في الفقرات الفقرة الثامنة والتاسعة إلى جانب قطع في النخاع الشوكى، لا يشعر بالجزء السفلي من جسده، وهو لا يحتاج لمساعدة مالية، فقط يحتاج لطبيب يتبرع له بالعملية التي تعيده للحركة والحياة.

ويقول "إبراهيم"، وهو في ثبات كامل راضيا بقضاء الله وقدره: أنا نفسى أرجع أمشى تانى زى الأول وإخواتى مستعدين يتبرعولى بالنخاع الشوكى وكل الى طالبه إنى أعمل العملية اللى تمنها كبير واحنا إمكانياتنا على قدنا، والدتى هي اللى بتخدمنى وبتخلينى ادخل الحمام وبتنام تحت رجلى عشان تشوفنى عايز إيه ربنا يباركلها لإني بقيت دلوقتى عبء كبير على أهلى.

 

تلتقط الأم المكلومة وهى مجهشة في البكاء أطراف الحديث لتقول: الحمد لله على اللى ربنا يجيبه بتمنى إن أبنى يمشى على رجله وميتحوجش لحد ويشفيه ويشيل عنه وربنا كبير واحنا رميين حمولنا على ربنا سبحانه وتعالى، ابنى محتاج زرع نخاع عشان يمشى والعملية تكلفتها كبيرة واحنا مش قادرين عليها ومستنين أهل الخير.

 

وأوضح شقيق "إبراهيم" وهو يبكى، أنه مستعد أتبرع بالنخاع الشوكى من أجل عودة الحياة لأخيه الشاب الصغير، مستكملا أن شقيقه كان معروف بحسن خلقه وحب أهل القرية كلها له بتمنى من ربنا يشفيه ويرجع زى ما كان.