كشفت الفنانة هنا الزاهد، عن مشاركتها فى مسلسل كوميدى هى  وأحمد فهمى فى شهر رمضان القادم قائلة :"أنا مضيت المسلسل من إخراج أحمد الجندى..وكنا هنعمل الفرح فى شهر 11 اللى فات بس اجلنا علشان الشغل هنجوز بعد رمضان على طول ".

وأضافت هنا الزاهد، خلال حوارها ببرنامج "حفلة 11"، الذى تقدمه الإعلامية سمر يسرى، عبر فضائية "on e"، قائلة:"أنا باردة أوى وأحمد عصبى.. وماما بتقولى أنا لو من أى حد هضربك من كتر برودك لأنك بتخدى كل الأمور بتهريج..لكن أحمد بدأ يعلمنى كل الحاجات دى".

ولفت هنا الزاهد، إلى أن خطيبها أحمد فهمى، شخصية عنيدة جداً وشخصية "بيتوتى" جداً، بالإضافة إلى أنه خلافى تماماً فى الترتيب، موضحة:"أنا مرتبة أوى لكن أحمد عشوائى ومش بيحب الترتيب".