التوقيت الثلاثاء، 19 مارس 2024
التوقيت 09:25 ص , بتوقيت القاهرة

فيديو.. بعد رحيلها.. تعرف على سر رفض آمال فريد كتابة مذكراتها

 

 

رحلت الفنانة آمال فريد عن عالمنا اليوم، عن عمر يناهز الـ80 عاما، وهى فنانة من الزمن الجميل رقيقة المشاعر ذو وجه ملائكى رومانسية حالمه خطفت قلوب المشاهدين بتمثيلها غنى لها العندليب وعاصرت أباطرة التمثيل.

 

مصر أحلى بلد فى العالم كفاية بتعيش فى أمان

 

وفى آخر حوار لها مع "فيديو 7" قناة اليوم السابع المصورة، قالت الفنانة آمال فريد أن مصر هى أحب دولة على قلبها فقد ،"سافرت كتير ولفيت كل العالم، بس مافيش أحلى من مصر هى أحلى بلد، عشان بتعيشى فى أمن وأمان، أى بلد بتبقى غريبة ولما تعيشى فى المكان وانتى غريبة بتبقى ضعيفة، لكن هنا، فى بلدك أى وأحد بيشوفك فى مشكلة بيساعدك على طول، لكن أوروبا أى وأحد بينام على الأرض لو بيموت محدش بيساعده إلا لو الإسعاف جت له".

 

إسماعيل يس كان لما يشوفنى بضحك في الكواليس يفتكر إننى بقلل من قيمته

 

حأولنا أن نرجع بذاكرتها للوارء لنجمة قادمة من زمن الحب، فقالت إنها دخلت عالم الفن فى سن العاشرة مع مكتشف النجوم "بابا شارو"، وعن الفنان إسماعيل ياسين فقالت"ملك الكوميديا إسماعيل يس طبعا كل أفلامه حلوة وإنسان مهذب جدًا فى الواقع وفنان رائع له شخصية، ورقيق المشاعر، كان لما يشوفنى بضحك فى الكواليس يفتكر إننى بقلل من قيمته، كان إنسان رقيق جدًا أصبح فنانا من لا شىء".

 

عبد الحليم مطلبش يتجوزنى لأنه "مش بتاع جواز

 

نعود بها إلى ذكريات الحب فى عين فتاة السبعة عشر عاما، حينما وقفت أمام العندليب فى فيلم "ليإلى الحب" الذى تم عرضه عام 1955، فقالت: "الله يرحمه ده حاجه تانيه لو جه عبد الحليم تانى تبقى معجزة، عبد الحليم صوته هدية من ربنا، لما غنى ليا كفاية نورك عليا حسيت إنى ملكة" وتابعت عن إشاعة أنه طلب منها الزواج "مش بتاع جواز".

 

فايزة أحمد صوتها قوى فقط.. ليلى مراد بتاعت كله.. ورشدى أباظة فتوة الغلابة

 

أما رأيها في بعض فنانين الزمن الجميل فقالت: "فايزة صوتها قوى، وليلى مراد بتاعت كله تمثيل وغنى وصوت حلو، ومريم فخر الدين رائعة، وشادية مجتهدة، ورشدى أباظة فتوة الغلابة، والولد" وتابعت عن فكرة كتابتها لمذكراتها وخاصة بعد اعتزالها الفن فقال:"معنديش فضايح اكتبها، والفنان غلبان جدا ميغركيش منظرهم".

 

جريدة "اليوم االسابع" بتابعها وناجحة جدا وقيمة

 

كانت سعادتنا لم توصف عندما فاجئنا فنانة الزمن الجميل أنها من عشاق جريدة اليوم السابع وأنها من أهم متابعيها حيث قالت عنها " بتابعها جريدة ناجحة جدًا وقيمة ومتجددة ومتطورة وفيها كل حاجة".

 

السيسى رجل عظيم ومش سهل تلاقى رئيس جمهورية محافظ على البلد

 

ومن الحديث عن الذكريات الفنية أبدت رأيها فى الأوضاع الحالية لمصر، فقالت: أحببت السيسى، رجل عظيم رائع، كفاية إنك بتنام فى أمان فى البيت، البلد هادية  "مفيهاش" مشاكل ولا مجاعات فى عهده، السيسى من أحسن رجال الدولة اللى حكموا مصر، إنسان رائع وحكيم فى تصرفاته وراجل عارف ظروف المصريين".

 

ووجهت له رسالة قالت فيها"ربنا يحميك يا سيسى ويديلك الصحة ويباركلك.. واللى مش عارفين قيمته كدابين لأن مش سهل تلاقى رئيس جمهورية محافظ على البلد كل يوم هيبقى فى بلبلة وناس عايزة تمسك السلطة لكن دلوقتى فى استقرار وراجل نظيف وبيعمل لمصلحه البلد ".