التوقيت الخميس، 28 مارس 2024
التوقيت 07:00 م , بتوقيت القاهرة

حظك اليوم مع عبدالله أحمد السبت 10/3/2018 الميزان حيران النهاردة ياجماعة

حظك اليوم وتوقعات الأبراج مع عبدالله أحمد السبت 10/3/2018
حظك اليوم وتوقعات الأبراج مع عبدالله أحمد السبت 10/3/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


طبل للدنيا ترقصلك.. بس لما تطبلك.. اوعى ترقصلها عشان غالبا هتخليك فرجة ساعتها للي رايح واللي جاي ومش هتنقّطك بعد وصلة الرقص والانبساط دي غير بالأحزان وعلى سهوة.   


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل السبت 10/3/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


مسيرهم يعرفوا قيمة قلبك.. متزعلش نفسك انتا بس


برج الحمل عملياً


( الشغل والمذاكرة والتخطيط لبكرة ):


إشغل وقتك بهواياتك النهاردة لو موراكش حاجة تعملها محددة.. أكل ونوم وبس


برج الحمل صحياً


( نفسيا وجسمانيا وكل مايخص طاسة المزاج ):


صحيا النهاردة انتا محتاج دلع كتير وحنية وحد يسمعك من غير ما يزايد عليك او يرد ردود مستفزة معلبة نصايح بلاستك ملهاش عازة ولا تطبيق فعلي عملي وقتي ف الحياة


إعرف توافق برج الحمل مع باقي الأبراج النهاردة:


متوافق مع الابراج الحسواكية والفرفورية والحنتوسية والنارية والترابية والهوائية..


حظك اليوم برج الثور دوت مصر


إعرف حظك اليوم برج الثور بالتفصيل السبت 10/3/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


محتاج اجازة بشكل عاجل.. اعتقد دة دافع يخليك تخلص اللي وراك كله بلا اي ديول تطاردك وانتا بتفرفش وتزقطط وتنبسط


برج الثور عملياً


( الشغل والمذاكرة والتخطيط لبكرة ): 


لازم تنجز النهاردة معظم اللي وراك عشان تعرف تبص قدامك براحتك من غير اي تشويش


برج الثور صحياً 


( نفسيا وجسمانيا وكل مايخص طاسة المزاج ):


صحيا النهاردة كل حاجة ماشية تمام بس ياريت مترخمش على حد انتا عارف انه اضعف منك.. بلاش


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والكتكوتية والبرمائية والمائية والترابية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل السبت 10/3/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


افلام ومزيكا وأكل غير صحي وتنكمش وتنبسط براحتك الليلة وفكك من اي حاجة تانية واي كلام تاني


برج الجوزاء عملياً 


( الشغل والمذاكرة والتخطيط لبكرة ):


خد راحتك النهاردة وفكك من اي حاجة بتقول على نفسها انها مهمة مهما كانت مهمة فعلا.. المهمة مهمة علي نفسها وبس


برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج متجيش على نفسك عشان اي حاجة او اي حد تماما


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والسمكمكية والبرمائية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل السبت 10/3/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مواجهة حاسمة ف الطريق إليك.. طنشها خالص وفكك من الخناق والناس اللي بتحب الخناق خصوصا على الاهتمام


برج السرطان عملياً 


( الشغل والمذاكرة والتخطيط لبكرة ):


الطريق ممهد عشان تلمع وتبان النهاردة على الجانب العملي.. محتاج بس تبطل تحبط ف روحك من تحت لتحت.. لا تكن عدوا لنفسك اخي ف الله.. ارجوك متعملش كدة


برج السرطان صحياً 


(نفسيا وجسمانيا وكل مايخص طاسة المزاج ):


صحتك النهاردة زي الفل بإستثناء شوية قلق ف سنانك غالبا او ف عضلات ضهرك ورقبتك من القعدة الطويلة الغلط


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والبرمائية والكتكوتية والمائية والنارية والترابية والبهوائية ( اخت الهوائية بس مبهوئة حبة).


حظك اليوم برج الا?سد دوت مصر


إعرف حظك اليوم برج الأسد بالتفصيل السبت 10/3/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


متديش وعود متقدرش توفيها.. هتطلع كدة ف الخر صغنتت وانتا مبتحبش تحس الاحساس دة خالص.. مش كدة ولا ايه


برج الأسد عملياً 


( الشغل والمذاكرة والتخطيط لبكرة ):


اليوم محتاج منك حركة ونشاط وشغل مش كلام ابدا.. دة وقت الشغل والانجاز مش التسويق لقدرتك على الشغل والانجاز ابدا


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة تعتني حبة بسمانة رجليك وبلاش وقفة كتير


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والسمكمكية والكرِيبّية والإستحواذية والترابية والنارية..


حظك اليوم برج العذراء دوت مصر


إعرف حظك اليوم برج العذراء بالتفصيل السبت 10/3/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


محتاج مزيكا كتير الليلة ومحتاج ترقص سلو مع حد بتحبه.. طبعا لو مفيش مينفعش ترقص مع نفسك الا لو انتا حابب تعمل كدة.. ساعتها قشطة براحتك


برج العذراء عملياً 


( الشغل والمذاكرة والتخطيط لبكرة ):


الفلوس مش كل حاجة.. الفلوس الكتير هي كل حاجة


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة بجيوبك الانفية والمادية زي إمبارح بالظبط


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والبرمائية والكتكوتية والكهربائية والنارية والهوائية والبرمائية..


حظك اليوم برج الميزان دوت مصر


إعرف حظك اليوم برج الميزان بالتفصيل السبت 10/3/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حيران ليه ياعم الحاج؟.. ليه مهم تصنف الناس وتستفها على ارفف تخيلية لحلو وكويس ومش حلو ولا كويس؟


برج الميزان عملياً 


( الشغل والمذاكرة والتخطيط لبكرة ):


ليه حاسس انك بتتهاجم طول الوقت؟.. متقلقش وإتطمن.. محدش هييجي ناحيتك النهاردة طول مانتا واثق ف نفسك


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة منك تقتنع ان الحياة مش خناقة.. الحياة مش خناقة ابدا


تعرف على توافق برج الميزان مع باقي الأبراج النهاردة:


متوافق مع الابراج الدرامية والبحرية والبرميلية والسمكمكية والنيلية والفضية والبربئية والفرفورية والنارية والمائية والهوائية..


حظك اليوم برج العقرب دوت مصر


إعرف حظك اليوم برج العقرب بالتفصيل السبت 10/3/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بتخطط لمصيبة وفاكر محدش حد يعرف.. بس انا عارف D::


برج العقرب عملياً 


( الشغل والمذاكرة والتخطيط لبكرة ):


دلوقتي انتا عارف اني عارف انك عارف اني عارف انك هتعمل مصيبة وكل اللي هيقرا الكلام دة هيعرف معانا برضة..


برج العقرب صحياً 


( نفسيا وجسمانيا وكل مايخص طاسة المزاج ):


متقلقش.. تقدر تعمل مصيبتك وانتا متطمن وواثق دلوقتي براحتك وميهمكش من حد اساسا


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والكهربائية والبرطمانية والكهرمانية والترابية والهوائية..


حظك اليوم برج القوس دوت مصر


إعرف حظك اليوم برج القوس بالتفصيل السبت 10/3/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


إعرف قيمة اللي ف ايدك كويس ومتتبطرش على النعمة.. بلاش.. انتا محظوظ بجد.. قدر دة كويس النهاردة


برج القوس عملياً 


( الشغل والمذاكرة والتخطيط لبكرة ):


حياتك مش هتبقى احسن لو انتا ف مكان تاني او مع حد مختلف.. ف الاخر اللي بينكد عليك هو انتا وخيالك تحديدا.. ودي حاجة للأسف مهما هربت منها ف اي حتة ف العالم برضة معاك..


برج القوس صحياً 


( نفسيا وجسمانيا وكل مايخص طاسة المزاج ):


إرمي كل الكلام اللي فات دة ورا ضهرك وقوم انبسط وشوفلك حاجة تتاكل ولا اتفرج علي حاجة حلوة مفرحة حبة على سبيل التغيير


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والهوائية والبرمائية والترابية


حظك اليوم برج الجدي دوت مصر


إعرف حظك اليوم برج الجدي بالتفصيل السبت 10/3/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


النهاردة يوم مناسب للزقططة والفرفشة جدا.. استغل الموضوع دة ف صالحك كويس ياريت


برج الجدي عملياً 


( الشغل والمذاكرة والتخطيط لبكرة ):


فكك من المذاكرة والشغل وإلعب حبة من نفسك الليلة.. مش هيروحوا ف حتة علي فكرة وهيفضلوا ملقحين مستنينك متقلقش


برج الجدي صحياً 


( نفسيا وجسمانيا وكل مايخص طاسة المزاج ):


الصحة تمام طول مانتا بعيد عن أي حد شكاء بكاء وغاوي نكد لحد الاحتراف فيه مش مجرد الهواية العابرة


تعرف على توافق برج الجدي مع باقي الأبراج النهاردة:


متوافق مع الابراج البربئية والمونوكرومية والحنتوسية والحلبسية والكشرية والمائية والبرمائية والهوائية والنارية..


حظك اليوم برج الدلو دوت مصر


إعرف حظك اليوم برج الدلو بالتفصيل السبت 10/3/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


نفسيتك بالدنيا ياكبير.. خللي بالك من صحتك النهاردة جدا وطز ف اي حاجة تانية


برج الدلو عملياً 


( الشغل والمذاكرة والتخطيط لبكرة ):


ميكروب الإكتئاب بيتسلل من تحت لتحت.. خد بالك منه وإستخباله ف الضلمة واضربه بالبرطوشة على دماغه بلا أدنى رحمة


برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم تمام وبتتحسن.. تاكل كويس وتلعب كويس وتنام كويس وتشرب سوايل كتير ومتنساش الدوا لو بتاخد اي نوع من انواع الدوا ومتكتئبش مع حد ولا على حس حد..


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والترابية والخيالية..


حظك اليوم برج الحوت دوت مصر


إعرف حظك اليوم برج الحوت بالتفصيل السبت 10/3/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


إركن طموحك حبة وإسمع لعواطفك النهاردة حبة .. مش عيب على فكرة


برج الحوت عملياً 


( الشغل والمذاكرة والتخطيط لبكرة ):


فضي نفسك حبة النهاردة عشر دقايق ف اليوم وإتطمن على اللي بيحبك بمكالمة ولا رسالة ولا ربع كفتة وطرب.. هتبقي مفاجأة جميلة حتى لو كان الشخص دة هو نفسك انتا


برج الحوت صحياً 


( نفسيا وجسمانيا وكل مايخص طاسة المزاج ):


صحيا انتا محتاج دماغك حبة من مشاكل الدنيا والحياة والناس ومين قال ومين عمل


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والكتكوتية والمستحية والنارية والمائية والهوائية



اعلان حظك اليوم دوت مصر