التوقيت الجمعة، 22 نوفمبر 2019
التوقيت 10:29 ص , بتوقيت القاهرة

حظك اليوم مع عبدالله أحمد الجمعة 9/3/2018 يعزم الثور على شاورمة ياجماعة

حظك اليوم وتوقعات الأبراج مع عبدالله أحمد الجمعة 9/3/2018
حظك اليوم وتوقعات الأبراج مع عبدالله أحمد الجمعة 9/3/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


جريمة الحياة مينفعش يشيل مسئوليتها الرجالة لوحدهم ولا الستات لوحدهم..احنا شركا ف الجريمة الكاملة دي ولسة بنستثمر ف بعض مشاعر وحب وعيال واقساط مدارس.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الجمعة 9/3/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


جميل النهاردة ماشاء الله وجاهز تماما للأكل والنوم وبس.


برج الحمل عملياً


( الشغل والمذاكرة والتخطيط لبكرة ):


مش حاسس بأي تقدم ف حياتك عشان دايما شاغل نفسك بالنظر للعيوب والنواقص ف حياتك مش للمميزات للأسف


برج الحمل صحياً


( نفسيا وجسمانيا وكل مايخص طاسة المزاج ):


صحيا النهاردة كل حاجة ماشي حالها.. متقلقش انتا زي الفل


إعرف توافق برج الحمل مع باقي الأبراج النهاردة:


متوافق مع الابراج الحسواكية والفرفورية والحنتوسية والنارية والهوائية..


حظك اليوم برج الثور دوت مصر


إعرف حظك اليوم برج الثور بالتفصيل الجمعة 9/3/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


متزغرش لحد النهاردة خالص بغضب.. حاول متخسرش حد وخليك ذكي.


برج الثور عملياً


( الشغل والمذاكرة والتخطيط لبكرة ): 


مازلت محتاج حب وحنية وتفهم وحد يسمعك تحت ضوء القمر الحزين ومحتاج برضة حد يعزمك علي سندوتش شاورمة


برج الثور صحياً 


( نفسيا وجسمانيا وكل مايخص طاسة المزاج ):


صحيا النهاردة انتا كويس وزي الفل.. متنساش تغسل سنانك قبل ماتنام بس مش اكتر وتحط برفان إحتياطي عشان احتمال تتباس ف الحلم ولا حاجة


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والكتكوتية والبرمائية والهوائية والمائية والترابية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الجمعة 9/3/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مش سهل عليك تتعامل مع الزحمة سواء ف البشر او خيالك.


برج الجوزاء عملياً 


( الشغل والمذاكرة والتخطيط لبكرة ):


ابعد عن الزحمة تماما النهاردة عشان هتعملك ارتباك واشتباك ف افكارك بدون اي داعي


برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج اهتمام عام بصحتك يامعلم.. حاول متطنش


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والسمكمكية والترابية والمائية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل الجمعة 9/3/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


محتاج تاخد العالم كله بالحضن الليلة.. واضح انك حاسس انك غلبان ف نفسك بزيادة ياعيني الليلة


برج السرطان عملياً 


( الشغل والمذاكرة والتخطيط لبكرة ):


عمليا النهاردة انتا محتاج تلعب حبة جيمز على ديسك توب او لاب او بلاي ستيشن.. مش موبايل او تابلت تفضل حانيله رقبتك ابدا ابدا


برج السرطان صحياً 


(نفسيا وجسمانيا وكل مايخص طاسة المزاج ):


صحتك النهاردة ماشي حالها بس ياريت تبتدي تركز ف اي نشاط رياضي مهما كان بسيط ان شالله شوية تمشية بعد الاكل تهضم فيهم ولا حاجة


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والبرمائية والكتكوتية والمائية والنارية والبهوائية ( اخت الهوائية بس مبهوئة حبة).


حظك اليوم برج الا?سد دوت مصر


إعرف حظك اليوم برج الأسد بالتفصيل الجمعة 9/3/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


ماشية معاك زي الحلاوة يامعلم اللهم لا حسد.


برج الأسد عملياً 


( الشغل والمذاكرة والتخطيط لبكرة ):


محظوظ النهاردة ف كل حاجة ماشاء الله ماشاء الله


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة تعتني حبة بشعرك وتعمل فيه اي حاجة جديدة لمزاجك مش اكتر


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والترابية والنارية..


حظك اليوم برج العذراء دوت مصر


إعرف حظك اليوم برج العذراء بالتفصيل الجمعة 9/3/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاول تعمل اي حاجة جديدة ف شكلك او ف شعرك النهاردة.. ومتقلقش.. مفيش عكوسات ممكن تحصل من ورا الموضوع دة خالص.


برج العذراء عملياً 


( الشغل والمذاكرة والتخطيط لبكرة ):


مهم تكتب حاجة حلوة لنفسك ولمزاجك الليلة او تقرا على الاقل كتاب قديم حلو كنت راكنه وناسيه


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة بجيوبك الانفية والمادية


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والبرمائية والكتكوتية والكهربائية والنارية والبرمائية..


حظك اليوم برج الميزان دوت مصر


إعرف حظك اليوم برج الميزان بالتفصيل الجمعة 9/3/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


كينج حقيقي ف نفسك النهاردة.. يارب دايما ياخويا والله


برج الميزان عملياً 


( الشغل والمذاكرة والتخطيط لبكرة ):


ركز النهاردة ف انك تفصص كل حاجة مزعلاك ف خيالك وتوقفها وشها للحيطة متذنبة كدة حبة وعلى اخر الليل تقدر تخش تضربها بأي خشبة فيها مسامير براحتك.. كل دة ف خيالك ياريت.. مش اكتر


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة فاصوليا ولوبيا وبسلة ورز بشعرية ولحمة او فراخ


تعرف على توافق برج الميزان مع باقي الأبراج النهاردة:


متوافق مع الابراج الدرامية والبحرية والبرميلية والسمكمكية والنيلية والفضية والبربئية والفرفورية والنارية والهوائية..


حظك اليوم برج العقرب دوت مصر


إعرف حظك اليوم برج العقرب بالتفصيل الجمعة 9/3/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


شيك النهاردة جدا بشكل عام سواء ف شكلك او ف كلامك.. يارب دايما يابرنس.


برج العقرب عملياً 


( الشغل والمذاكرة والتخطيط لبكرة ):


قدامك اكتر من اختيار ومع ذلك حاسس بالاحتيار.. محتار ليه.. ماتختار الاقرب لقلبك وتخلص علاطول


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة شوية عناية ببشرتك وبشعرك


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والكهربائية والبرطمانية والكهرمانية والترابية والمائية والنارية..


حظك اليوم برج القوس دوت مصر


إعرف حظك اليوم برج القوس بالتفصيل الجمعة 9/3/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


محتاج تخش ف حالة إسترخاء عامة شاملة وتفك دماغك من اي حاجة ممكن تضايقك.


برج القوس عملياً 


( الشغل والمذاكرة والتخطيط لبكرة ):


عمليا النهاردة اليوم مناسب جدا للنوم والراحة وأحلام اليقظة


برج القوس صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة الراحة الشاملة وقلة التفكير والتخطيط والتكتكة


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والهوائية والبرمائية والمائية


حظك اليوم برج الجدي دوت مصر


إعرف حظك اليوم برج الجدي بالتفصيل الجمعة 9/3/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


تفاءل وإبتسم النهاردة على قد ماتقدر.. اليوم جميل جدا ان شاء الله.


برج الجدي عملياً 


( الشغل والمذاكرة والتخطيط لبكرة ):


عمليا اليوم مناسب للخروج والقعدة مع الصحاب مش للكلام ف شغل او مذاكرة اطلاقا


برج الجدي صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة شوية حركة والحركة بالنسبالك اكيد بركة


تعرف على توافق برج الجدي مع باقي الأبراج النهاردة:


متوافق مع الابراج البربئية والمونوكرومية والحنتوسية والحلبسية والكشرية والترابية والهوائية والنارية..


حظك اليوم برج الدلو دوت مصر


إعرف حظك اليوم برج الدلو بالتفصيل الجمعة 9/3/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هدوء شامل كامل وتبعد عن الوش والصداع تماما النهاردة وتكبر دماغك وتصدق ان طولها زي عرضها ومفيش حاجة مستاهلة زعلك ابدا.. مش ذنبك انك محاط بناس مصرة على الغلط وبتعمله عن اقتناع.


برج الدلو عملياً 


( الشغل والمذاكرة والتخطيط لبكرة ):


كبر دماغك وروق بالك وبس النهاردة ومتفكرش كتير ف اي حاجة مش مستاهلة زعلك


برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم لطيفة وماشي حالها.. حاول بس متتعصبش ولا تحرق دمك الليلة علي حاجات مش مستاهلة


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والترابية والهوائية والخيالية..


حظك اليوم برج الحوت دوت مصر


إعرف حظك اليوم برج الحوت بالتفصيل الجمعة 9/3/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


الطريق ممهد بشكل كبير للسعادة والروقان.. خد بالك من الكلاب النهاردة.. خصوصا اللي بتلبس هدوم


برج الحوت عملياً 


( الشغل والمذاكرة والتخطيط لبكرة ):


هتفضل عاقل النهاردة لحد الليل مع يليل وهتبتدي تحس برغبة عارمة ف الجنان.. عموما اتجنن براحتك محدش له عندك حاجة اصلا


برج الحوت صحياً 


( نفسيا وجسمانيا وكل مايخص طاسة المزاج ):


صحيا انتا محتاج تدفي روحك حبة بمزيكا جديدة رايقة وجميلة ومنعشة


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والكتكوتية والمستحية والنارية والترابية والمائية والهوائية



اعلان حظك اليوم دوت مصر