التوقيت الجمعة، 14 أغسطس 2020
التوقيت 04:58 م , بتوقيت القاهرة

برج الحوت حظك اليوم الأحد 4/3/2018 ..مبسوط النهاردة حبتين ماشاء الله

برج الحوت
برج الحوت

تعرف على حظك اليوم ل برج الحوت مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الحوت


حظك اليوم برج الحوت عاطفياً


( الكراش والإكس والبوي والجيرل فريند والجوز والزوجة والقرايب ):


جميل ومتألق النهاردة بزيادة.. واضح انك مبسوط النهاردة حبتين بدون سبب ماشاء الله.. يارب دايما ياخويا والله


 


حظك اليوم برج الحوت عملياً 


( الشغل والمذاكرة والتخطيط لبكرة ):


حافظ على انبساطك النهاردة ومتحاولش تفسره.. احيانا الفهم بيبوظ الاستمتاع تماما.. انبسط وفرفش احسن وبعدين ابقى اشغل نفسك بليه ومين وفين براحتك خالص


 


 حظك اليوم برج الحوت صحياً


( نفسيا وجسمانيا وكل مايخص طاسة المزاج ):


صحيا كل حاجة شغالة وبتنور وتطفي كما يجب.. شوية رياضة الصبح بس على بسيط كدة وكل حاجة تبقى تماما وبالذات كيرف طاقتك


حظك الغذائي


غذائيا النهاردة اليوم مناسب للبيتزا والكومفورت فود اللي يعجبك ويريح مزاجك.. بلاش شطة بس خالص ف الاكل ياريت ولا بصل ولا توم عشان جايز تتباس ولا حاجة


شعارك اليوم


ضربني وبكى وسبقني ف الهشتكة


لونك اليوم:


بمبي مسخسخ وفيه نقط حمرا


إعرف توافق برج الحوت مع باقي الأبراج النهاردة


متوافق مع الابراج البسبوسية واللولبية والفهلوية والكتكوتية والمستحية والنارية والمائية والهوائية


من مشاهير برج الحوت


Angelababy برج الحوت


<iframe width="100%" height="166" scrolling="no" frameborder="no" allow="autoplay" src="https://w.soundcloud.com/player/?url=https%3A//api.soundcloud.com/tracks/15478007&color=%23ff5500&auto_play=true&hide_related=false&show_comments=true&show_user=true&show_reposts=false&show_teaser=true"></iframe>


 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الحوت