التوقيت الجمعة، 29 مارس 2024
التوقيت 04:36 ص , بتوقيت القاهرة

حظك اليوم مع عبدالله أحمد الأحد 4/3/2018 وش الجوزاء منور ومدور النهاردة ياجماعة

حظك اليوم وتوقعات الأبراج مع عبدالله أحمد الأحد 4/3/2018
حظك اليوم وتوقعات الأبراج مع عبدالله أحمد الأحد 4/3/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


الناس بتتكلم عن التقبل معظم الوقت وهما بيمارسوا الترويض طول الوقت.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الأحد 4/3/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


انتا حر ف مشاعرك بس حاول تراعي مشاعر اللي حواليك والا هتقعد لوحدك زي قرد قطع وساعتها مش هتلاقي اي قرد يواسيك حتى


برج الحمل عملياً


( الشغل والمذاكرة والتخطيط لبكرة ):


في حد جميل هيديك فلوس النهاردة.. حاول تبقى لطيف معاه على الاقل لحد ما تاخد مصلحتك وتخلع.


برج الحمل صحياً


( نفسيا وجسمانيا وكل مايخص طاسة المزاج ):


صحيا النهاردة انتا محتاج تنام كويس وتاكل كويس ومتعيطش ف السر خالص خصوصا بالليل عشان متحصلش عكوسات تضايقك


إعرف توافق برج الحمل مع باقي الأبراج النهاردة:


متوافق مع الابراج الحسواكية والفرفورية والحنتوسية والبرمائية والنارية والهوائية..


حظك اليوم برج الثور دوت مصر


إعرف حظك اليوم برج الثور بالتفصيل الأحد 4/3/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


الحب مالوش علاقة بالفلوس الا لو ناوي تحب الفلوس مش البشر ياكابتن ودة قشطة مفيهوش حاجة التصرف دة.. بس خلي بالك ان الفلوس مبتحبش حد


برج الثور عملياً


( الشغل والمذاكرة والتخطيط لبكرة ): 


متنائرش ف الغلط لمجرد انك عاوز الكون يمشي علي مزاجك او لمجرد انه مفيش حد يقولك ان اللي بتعمله دة غلط.. بلاش عشان هترجع تندم ف الاخر والله.. عموما انتا حر.


برج الثور صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج تبطل تتآمر على الحياة على كوكب الارض.. مش ناقصاك العملية اساسا والله والكوكب بيتلكك لوحده حضرتك ومش ناقص فعلا


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والكتكوتية والبرمائية والنارية والمائية والهوائية والترابية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الأحد 4/3/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هتضطر تعمل حاجة النهاردة ف الخباثة غالبا هتكون مصيبة صغننة من مصايبك المعتادة او مجرد خير انتا مقرر ترميه ف البحر.


برج الجوزاء عملياً 


( الشغل والمذاكرة والتخطيط لبكرة ):


شفت لما بتبطل الانانية وشك بينور ازاي..


برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج الوان ف حياتك ومحتاج مزيكا ورقص وفسح وخروج وصحاب بجد مش مجرد ناس شاغلة المساحات حواليك بالكدب او بالتدليس او بالخداع


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والسمكمكية والترابية والمائية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل الأحد 4/3/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


خد بالك من شعرك كويس اوي النهاردة عشان واضح ان العكوسات كلها الليلة منشنة على دماغك وشعرك.. انا بقترح تلبس خوذة موتوسيكل من باب الاحتياط طول مانتا قاعد.


برج السرطان عملياً 


( الشغل والمذاكرة والتخطيط لبكرة ):


قدامك اختيارات كتير وانتا مش مشمئنط ومش عاوز تختار وفاكر ان في رفاهية الوقت قدامك لسة.. إحق وانجز ومتضيعش اي فرصة مهما كانت بسيطة وصغنتتة.. الصغننت بكرة يكبر ياحبيبي متقلقش


برج السرطان صحياً 


(نفسيا وجسمانيا وكل مايخص طاسة المزاج ):


صحتك النهاردة محتاجة سينما او على الاقل فيلم او مسلسل حلو.. مهم ميكونش حاجة فيها اي نكد من اي نوع


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والبرمائية والكتكوتية والترابية والنارية والبهوائية ( اخت الهوائية بس مبهوئة حبة).


حظك اليوم برج الا?سد دوت مصر


إعرف حظك اليوم برج الأسد بالتفصيل الأحد 4/3/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


عواطفك ف التلاجة ليه ياشملول؟.. مخبيها ومداريها ليه سيادتك.. خايف عليها من الميكروبات ولا من التراب ولا من ايه بالظبط؟


برج الأسد عملياً 


( الشغل والمذاكرة والتخطيط لبكرة ):


هتعمل عمل جماعي النهاردة ممكن يأثر على احداث مستقبلك كله او ميأثرش.. مش مهم.. المهم تنبسط وتعدي اليوم على خير.


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة ركوب عجل وتمشية مع بشر او كلاب او قطط.. اللي يريح نفسيتك اعمله


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والترابية والمائية والنارية..


حظك اليوم برج العذراء دوت مصر


إعرف حظك اليوم برج العذراء بالتفصيل الأحد 4/3/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بتستخدم السكوت والصمت ف مكانه ووقته الغلط تماما قصاد اي حد بتحبه او بيحبك ومستني يسمعك.. بطل غتاتة وإتكلم بدل نشفان الريق الفاشل دة


برج العذراء عملياً 


( الشغل والمذاكرة والتخطيط لبكرة ):


في حد هيحاول يقلبك النهاردة ف معلومات او ف فلوس.. انا بقترح تنكر كل حاجة وتتمسك بحقك ف إلتزام الصمت مهما حصل.


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة هتيجي على الكلام.. اتكلم وبراحتك.. اتكلم خايف من ايه بالظبط؟


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والبرمائية والترابية والنارية والبرمائية..


حظك اليوم برج الميزان دوت مصر


إعرف حظك اليوم برج الميزان بالتفصيل الأحد 4/3/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مش كل اللي هيقرب منك بيحبك ولا كل اللي بعيد عن عينك بيكرهك او نسيك.. جايز مشغول ولا حاجة.. كلمه شوفه عامل ايه من غيرك ومع مين.. غيرك.


برج الميزان عملياً 


( الشغل والمذاكرة والتخطيط لبكرة ):


انتا عارف مصلحتك كويس بس بتتظاهر بالتوهة والعذاب قدام اي حد جذاب


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة اهتمام حبة خصوصا بشعرك وبجيوبك الانفية زي إمبارح بالظبط وزود عليهم قرقضة الضوافر


تعرف على توافق برج الميزان مع باقي الأبراج النهاردة:


متوافق مع الابراج الدرامية والبحرية والبرميلية والسمكمكية والنيلية والفضية والبربئية والمائية والترابية والهوائية..


حظك اليوم برج العقرب دوت مصر


إعرف حظك اليوم برج العقرب بالتفصيل الأحد 4/3/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


كمشان ف الزمكان النهاردة وطيوب وغلبان وف حالك.. انتا عيان ولا ايه؟.. عموما سلامتك


برج العقرب عملياً 


( الشغل والمذاكرة والتخطيط لبكرة ):


معلش.. لازم تصبر عشان تنول كل حاجة حلوة انتا بتتمناها من الحياة وإن كان المفروض تتحرك وتبذل شوية طاقة وإهتمام وتتلحلح كدة حبة وتجري ورا مصلحتك.. دة لو حابب تنبسط.. اما لو مش حابب ف انتا حر.. انتا حر.


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة اهتمام حبة واكل بسيط مفيد ومغذي وبعيد عن الدسم والنكد وبعيد عن التفكير ف اي حاجة وحشة من الماضي الآليم


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والكهربائية والبرطمانية والكهرمانية والترابية والهوائية والنارية..


حظك اليوم برج القوس دوت مصر


إعرف حظك اليوم برج القوس بالتفصيل الأحد 4/3/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


اهتم حبة بقلبك النهاردة عشان ميعملكش قلق ويعيط بالليل بدون داعي وميخليكش عارف تنام.. راعيه حبة وحطله مية وأكل


برج القوس عملياً 


( الشغل والمذاكرة والتخطيط لبكرة ):


ثقتك ف نفسك مرعبة لأي حد بيفكر يرازيك النهاردة.. اضحك وابتسم ف وشه وسيبها تاكله.. سيب نفسيته تاكله.. دي قميته ودة حجمه الحقيقي ف الحياة.


برج القوس صحياً 


( نفسيا وجسمانيا وكل مايخص طاسة المزاج ):


صحتك النهاردة زي الفل يامعلم.. تقدر تعمل اي حاجة تعجبك الليلة براحتك.. خد بالك من بشرتك بس حبة


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والهوائية والترابية والمائية


حظك اليوم برج الجدي دوت مصر


إعرف حظك اليوم برج الجدي بالتفصيل الأحد 4/3/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مشاعرك مستقرة النهاردة حبة بالنهار ومزمزئة بالليل.. طبيعي طبعا خصوصا وان وقت الليل وقت سكوت وطبيعي تبقى سهران وصوت افكارك عالي وتقدر تسمعها وبالتالي ممكن تخوفك وتلعب البخت ف مشاعرك


برج الجدي عملياً 


( الشغل والمذاكرة والتخطيط لبكرة ):


الناس مهمة بالنسبالك النهاردة وخصوصا الصحبة الحلوة وحالة الشراكة والصداقة ف التخطيط للمصايب.. خد بالك بس من دماغك ومتمشيش ورا حد ف حاجة غلط لمجرد انك بتحبه ومش عاوز تزعله.. متجيش علي نفسك.. بلاش.


برج الجدي صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة تمشية بسيطة بعد الاكل ومحتاجة شوية ينسون وكركديه


تعرف على توافق برج الجدي مع باقي الأبراج النهاردة:


متوافق مع الابراج البربئية والمونوكرومية والحنتوسية والحلبسية والكشرية والترابية والهوائية والنارية..


حظك اليوم برج الدلو دوت مصر


إعرف حظك اليوم برج الدلو بالتفصيل الأحد 4/3/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاسس انك لوحدك بزيادة النهاردة عشان معظم الناس مش فاهماك بالشكل اللي انتا بتتمنى تتفهم بيه.. معلش.. كل واحد بيشوف ف المراية الحاجات اللي شبهه وبس.. عموما متبعتش اغاني لحد


برج الدلو عملياً 


( الشغل والمذاكرة والتخطيط لبكرة ):


اعمل اللي عليك في هدوء وسكينة واسمع اكتر ما تتكلم او تبدي وجهة نظرك عشان في حدايات ونفسيات مريضة حواليك مستنية تغزل من كل كلمة تقولها توب من النكد الاسود واللي غالبا هيتلفوا فيه ف الاخر خالص لما كل خططهم تبوء بالفشل على ارواحهم السودة ان شاء الله.. ركز انتا بس وملكش دعوة بحد


برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم مستقرة حبة بس ارجوك بلاش عك ف الاكل.. بالهداوة ومتتسربعش وهتاكل كل اللي نفسك فيه.. متسربع على ايه بالظبط


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والنارية والهوائية والخيالية..


حظك اليوم برج الحوت دوت مصر


إعرف حظك اليوم برج الحوت بالتفصيل الأحد 4/3/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


جميل ومتألق النهاردة بزيادة.. واضح انك مبسوط النهاردة حبتين بدون سبب ماشاء الله.. يارب دايما ياخويا والله


برج الحوت عملياً 


( الشغل والمذاكرة والتخطيط لبكرة ):


حافظ على انبساطك النهاردة ومتحاولش تفسره.. احيانا الفهم بيبوظ الاستمتاع تماما.. انبسط وفرفش احسن وبعدين ابقى اشغل نفسك بليه ومين وفين براحتك خالص


برج الحوت صحياً 


( نفسيا وجسمانيا وكل مايخص طاسة المزاج ):


صحيا كل حاجة شغالة وبتنور وتطفي كما يجب.. شوية رياضة الصبح بس على بسيط كدة وكل حاجة تبقى تماما وبالذات كيرف طاقتك


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والكتكوتية والمستحية والنارية والمائية والهوائية



اعلان حظك اليوم دوت مصر