التوقيت الجمعة، 29 مارس 2024
التوقيت 12:15 ص , بتوقيت القاهرة

حظك اليوم مع عبدالله أحمد السبت 3/3/2018 الحمل شملول النهاردة باركوله ياجماعة

حظك اليوم وتوقعات الأبراج مع عبدالله أحمد السبت 3/3/2018
حظك اليوم وتوقعات الأبراج مع عبدالله أحمد السبت 3/3/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


اينشتاين كان ممكن يلخص ويقول"سبحان الله..الوقت الحلو بيعدي بسرعة"..ولا نسبية ولا بتاع.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل السبت 3/3/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


طول مانتا بتفكر ف اللي انتا عاوزه ومحتاجه وبس محدش هيحبك.. لأنك مبتديش حد فرصة يحبك بجد اساسا


برج الحمل عملياً


( الشغل والمذاكرة والتخطيط لبكرة ):


متاخدش مصلحتك وتجري عشان التصرف دة هو اسرع وسيلة فعالة ومضمونة لخسارة البشر.. وانتا متعرفش تعيش شملول من غير البشر


برج الحمل صحياً


( نفسيا وجسمانيا وكل مايخص طاسة المزاج ):


صحيا النهاردة كل حاجة كويسة طالما بتنام كويس


إعرف توافق برج الحمل مع باقي الأبراج النهاردة:


متوافق مع الابراج الحسواكية والفرفورية والحنتوسية والبرمائية والمائية والهوائية..


حظك اليوم برج الثور دوت مصر


إعرف حظك اليوم برج الثور بالتفصيل السبت 3/3/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


هتسافر قريب ان شاء الله.. يابرة البلد ياف خيالك.. ف الحالتين ألف مبروك عليك وعلى خيالك


برج الثور عملياً


( الشغل والمذاكرة والتخطيط لبكرة ): 


مسير كل التصرفات الغير منطقية اللي بتعملها ف السر تطلع للعلن وساعتها كل واحد انتا لومت عليه ف يوم هيقف يتفرج.. اعمل حساب اليوم دة من دلوقتي عشان مش هيبقى يوم سهل عليك ابدا لما ييجي


برج الثور صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج تثق ف انك مش محتاج تثق ف نفسك اكتر من كدة وإلا هتفرقع من كتر الثقة الزيادة


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والكتكوتية والبرمائية والنارية والترابية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل السبت 3/3/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


جايز بتشوف حاجات مقرفة حبتين اليومين دول وجايز تكون مش منطقية بس هي دي الحياة


برج الجوزاء عملياً 


( الشغل والمذاكرة والتخطيط لبكرة ):


فكك من الانانية حبة واهتم بسعادة المحيطين بيك شوية.. هتنبسط برضة والله لو عملت كدة


برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج تحس انك محبوب ومرغوب والكوكب مبيمشيش من غيرك


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والسمكمكية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل السبت 3/3/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حافظ على صحتك النهاردة حبة وراعيها وبلاش اهمال عشان ف الاخر هتندم


برج السرطان عملياً 


( الشغل والمذاكرة والتخطيط لبكرة ):


كتكوت ف نفسك النهاردة ودة المهم.. غير كدة مفيش حاجة مهمة بالنسبالك ف الاغلب


برج السرطان صحياً 


(نفسيا وجسمانيا وكل مايخص طاسة المزاج ):


صحتك النهاردة تمام وممكن تبقى افضل لو اهتميت وحرصت عليها حبة.. خصوصا نفسيا


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والبرمائية والكتكوتية والمائية و الترابية والنارية والبهوائية ( اخت الهوائية بس مبهوئة حبة).


حظك اليوم برج الا?سد دوت مصر


إعرف حظك اليوم برج الأسد بالتفصيل السبت 3/3/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


الصح دايما صعب وعشان صعب ف في ناس كتير جدا ممكن تتجنبه وتستسهل وخلاص.. انتا بقى مبتعرفش تعمل كدة.. خصوصا ول من جواك واثق وحاسس انك صح.. وبصراحة ف الموضوع دة بالذات انتا معاك حق


برج الأسد عملياً 


( الشغل والمذاكرة والتخطيط لبكرة ):


مش مهم المشاركة او مباركة الناس لمواقفك قد ما هو مهم انك تتأكد انك بتعمل الحاجة الصح وبس


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة هتحتاج شوية مزيكا جديدة على ودانك يامعلم


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والمائية والنارية..


حظك اليوم برج العذراء دوت مصر


إعرف حظك اليوم برج العذراء بالتفصيل السبت 3/3/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاول تتجنب النهاردة اي زعل او تفكير ف اي حاجة تزعلك.. فرفش احسن


برج العذراء عملياً 


( الشغل والمذاكرة والتخطيط لبكرة ):


متمثلش العقل وانتا من جواك اجن من الجنان ذات نفسه.. بلاش عشان دي حاجة عواقبها النفسية مش كويسة على المدى الطويل.. من حقك تتجنن وبالعقل برضة.. من غير ماتزعل حد.. ادعاء الرزانة هيبقى ضغط كبير على اعصابك وانتا مش ناقص لا ضغط ولا صداع


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة منك تفك عن نفسك حبة وتتكلم وتهزر وتفكك من حكاية البرستيج الفاضية دي خالص


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والبرمائية والهوائية والترابية والبرمائية..


حظك اليوم برج الميزان دوت مصر


إعرف حظك اليوم برج الميزان بالتفصيل السبت 3/3/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


داري على انبساطك عشان يزيد وبلاش سياحة ملهاش عازة.. متكيدش حد عشان مترجعش تزعل بعدين.. انتا مش ناقص اعداء ف حياتك خالص والله


برج الميزان عملياً 


( الشغل والمذاكرة والتخطيط لبكرة ):


خليك حويط حبة النهاردة وحذر وخد بالك من كلامك وتصرفاتك وفكر كويس قبل ما تقول اي حاجة لأي حد عن نفسك او عن حياتك


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة اهتمام حبة خصوصا بشعرك وبجيوبك الانفية


تعرف على توافق برج الميزان مع باقي الأبراج النهاردة:


متوافق مع الابراج الدرامية والبحرية والبرميلية والسمكمكية والنيلية والفضية والبربئية والترابية والهوائية..


حظك اليوم برج العقرب دوت مصر


إعرف حظك اليوم برج العقرب بالتفصيل السبت 3/3/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بتحاول بكل قوتك تفرح وتشجع اللي بتحبه يفرح معاك بس هو مش عاوز او مالوش مزاج او عيان او زهقان.. ف كل الاحوال متقلقش.. شوية صبر ومثابرة وكلنا هنفرح مش انتا واللي بتحبه بس.. اتقل وهتشوف


برج العقرب عملياً 


( الشغل والمذاكرة والتخطيط لبكرة ):


محدش مهتم يغيرك على فكرة.. هو بس غالبا معظم الناس بتاخدك على قد عقلك عشان يتقوا شرك مش أكتر


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة ف الطالع وكيرف طاقتك فاضله حبة وينور.. استغل الطاقة دي ف اي نشاط كويس ومفيد ياريت


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والكهربائية والبرطمانية والكهرمانية والبرمائية والترابية والهوائية والنارية..


حظك اليوم برج القوس دوت مصر


إعرف حظك اليوم برج القوس بالتفصيل السبت 3/3/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هتحتاج كل ذكائك وفراستك ونباهتك ومفهوميتك النهاردة.. ركز كدة واجمد ومتتهزش.. انتا زي الفل


برج القوس عملياً 


( الشغل والمذاكرة والتخطيط لبكرة ):


استعمل طاقتك ف الخير النهاردة واتعامل بثبات وثقة واضحك ف وش المصايب لأنها كلها بلاستك ولا هيبقالها اي تأثير عليك.. زيها زي المقاطيع الفاضيين التافهين اللي مدبرينها ومستخبيين وراها بالظبط


برج القوس صحياً 


( نفسيا وجسمانيا وكل مايخص طاسة المزاج ):


صحتك النهاردة كويسة جدا.. شوية شياكة واهتمام بس عشان تكمل البرستيج النفسي بتاعك.. مش اكتر


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والهوائية والنارية والمائية


حظك اليوم برج الجدي دوت مصر


إعرف حظك اليوم برج الجدي بالتفصيل السبت 3/3/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بص يامعلم.. في حبة حاجات كويسة جاية النهاردة ف طريقك وف اتجاهك.. كل ما تبقى منفتح على الحياة كل ما هتنبسط بالحاجات دي وهتفرفش واحتمال كمان تحس بالسعادة ولو لوقت قصير.. اما لا سمح الله لو اكتئبت وتشائمت وسودت الدنيا ف وش نفسك ف اكيد ولا هتستمتع ولا هتنبسط لا بالحاجات دي ولا بأي حاجة


برج الجدي عملياً 


( الشغل والمذاكرة والتخطيط لبكرة ):


نظم وقتك ودماغك النهاردة كويس عشان تعرف تواجه ما يجب ان تواجهه وتنبسط بما يستحسن تنبسط بيه.. خصوصا وان مفيش حد لاقي انبساط اليومين دول بالساهل


برج الجدي صحياً 


( نفسيا وجسمانيا وكل مايخص طاسة المزاج ):


صحتك النهاردة تتظبط جدا لو مودك اتظبط من بداية اليوم ولو مشربتش قهوة كتير


تعرف على توافق برج الجدي مع باقي الأبراج النهاردة:


متوافق مع الابراج البربئية والمونوكرومية والحنتوسية والحلبسية والكشرية والترابية والنارية..


حظك اليوم برج الدلو دوت مصر


إعرف حظك اليوم برج الدلو بالتفصيل السبت 3/3/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هتحتاج تمشي النهاردة ورا إحساسك زي روبي.. وواضح ان الموضوع دة هتحتاج تعمله كل فترة.. ياللا ع البركة


برج الدلو عملياً 


( الشغل والمذاكرة والتخطيط لبكرة ):


إعتمادك على التكنولوجيا لازم يقل حبة النهاردة.. مهم تعمل حاجة ابداعية بايديك وبس


برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم احسن من امبارح حبة.. يارب دايما ياخويا والله


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والمائية والنارية والخيالية..


حظك اليوم برج الحوت دوت مصر


إعرف حظك اليوم برج الحوت بالتفصيل السبت 3/3/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


متحاولش تمسك الهوى بايديك ياكابتن.. دة امر مستحيل.. المشاعر مبتتخزنش زيها زي السعادة كدة بالظبط.. مهما وثقتها بصور او فيديوهات برضة مش هتقدر تضمن انك لما ترجعلها بعد زمن هتحس وتفتكر نفس اللي حسيته وقت حدوثها


برج الحوت عملياً 


( الشغل والمذاكرة والتخطيط لبكرة ):


قرب من الواقع حبة عشنا هو كمان يقرب منك وميخافش او يقلق.. كمان حاول تتشجع حبة وتبطل كسوف


برج الحوت صحياً 


( نفسيا وجسمانيا وكل مايخص طاسة المزاج ):


صحيا انتا زي الفل بس ياحبذا لو اهتميت حبة بضوافرك وقصيتها.. الا لو ناوي تخربش حد بيهم


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والكتكوتية والمستحية والنارية والهوائية



اعلان حظك اليوم دوت مصر