التوقيت الجمعة، 29 مارس 2024
التوقيت 01:12 ص , بتوقيت القاهرة

برج الجدي حظك اليوم الخميس 1/3/2018 ..الصح والغلط نسبي

برج الجدي
برج الجدي

تعرف على حظك اليوم ل برج الجدي مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الجدي


حظك اليوم برج الجدي عاطفياً


( الكراش والإكس والبوي والجيرل فريند والجوز والزوجة والقرايب ):


متستناش حد يقولك المفروض تعمل ايه ومتعملش ايه خصوصا وانك عارف من جواك المفروض تعمل ايه وتقول ايه كويس جدا جدا.. بلاش دلع واتصرف صح من فضلك


حظك اليوم برج الجدي عملياً 


( الشغل والمذاكرة والتخطيط لبكرة ):


متفرهدش ف نفسك وف اللي حواليك عشان انتا حيران او خايف.. مهم محدش يحس بخوفك دة او يشم ريحة وجوده حبة.. ميغركش الحضارة اللي احنا فيها دي كلها ابدا.. احنا ف غابة متطورة حبة عن غابة الانسان البدائي


حظك اليوم برج الجدي صحياً 


( نفسيا وجسمانيا وكل مايخص طاسة المزاج ):


صحتك النهاردة ماشي حالها جدا وتقدر تكسر بيها الدنيا.. بطل اكتئاب وتشاؤم عشان تقريبا دول اكتر حاجات مفرملة نجاحك وانبساطك ف الدنيا دي كلها


حظك الغذائي:


غذائيا النهاردة تقدر تتجه للبيتزا او للكشري النهاردة.. بلاش طبيخ الا لو طابخين حاجة انتا بتحبها اوي اوي ومتقدرش تقاوم ريحتها وشكلها


شعارك اليوم:


تجنب أن تكون غلبان في أي زمكان..


لونك اليوم:


بلو بلاك..


إعرف توافق برج الجدي مع باقي الأبراج النهاردة


متوافق مع الابراج البربئية والمونوكرومية والحنتوسية والحلبسية والكشرية والترابية والنارية..


من مشاهير برج الجدي


January Jones برج الجدي



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الجدي