التوقيت الثلاثاء، 19 مارس 2024
التوقيت 08:29 ص , بتوقيت القاهرة

برج الجوزاء حظك اليوم الاثنين 26/2/2018 ..شباك على الحياة من أول وجديد

برج الجوزاء
برج الجوزاء

تعرف على حظك اليوم ل برج الجوزاء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الجوزاء 


حظك اليوم برج الجوزاء عاطفياً


( الكراش والإكس والبوي والجيرل فريند والجوز والزوجة والقرايب ):


جايز حد يقولك حاجة النهاردة بسيطة خالص تفتحلك شباك على الحياة من أول وجديد.. جايز مين يعرف.. سيب قوس الاحتمالات مفتوح إحتياطي ومتتكسفش تسأل وتحاول تفهم


حظك اليوم برج الجوزاء عمليا


(الشغل والمذاكرة والتخطيط لبكرة ):


انتا كبير ف نفسك ومحدش يقدر يستقل بيك لمجرد انك تهت مرة او اتنين.. كلنا بنتوه يابرنس.. دة شيئ عادي جدا ف حياة البشر.. ثم كل اللي حواليك دول بيمثلوا الثقة عشان تبقى فاهم.. الكوكب دة مفيهوش حد عارف بكرة شكله ايه اساسا ومع ذلك عايشين ومبسوطين اهو زي مانتا شايف وبياكلوا ويشربوا ويرازوا ف بعض بمنتهى الاخلاص والتفاني لمجرد ان صحتهم حلوة ومساعداهم.. مش أكتر


حظك اليوم برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة محتاج فرفشة ونعكشة.. تقدر تنكش شعرك على العالم كنوع من انواع الاعتراض براحتك..


حظك الغذائي:


غذائيا النهاردة تقدر تتجه للكوسة بالبشاميل او للكفتة والطرب او للرز المعمر بالفراخ.. اللي يعجبك ويريح مزاجك.. متنساش بالليل تقرقض ف جزر وخيار وكيوي.. حتى لو مبتحبش الكيوي ودة لمصلحة احلامك ليس إلا


شعارك اليوم:


دنيا كلها تمثيل وصعب تلاقى حد أصيل..


لونك اليوم:


الأخضر بكل درجاته..


إعرف توافق برج الجوزاء مع باقي الأبراج النهاردة


متوافق مع الابراج البرجماتية والحنكوشية والنباتية والسمكمكية والترابية والنارية..


من مشاهير برج الجوزاء


Johnny Depp برج الجوزاء



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الجوزاء