التوقيت الخميس، 28 مارس 2024
التوقيت 06:26 م , بتوقيت القاهرة

برج الثور حظك اليوم الخميس 22/2/2018 ..من حقك تحتفل لأي سبب يعجبك

برج الثور
برج الثور

تعرف على حظك اليوم ل برج الثور مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم سواء اليوم أو كل يوم


حظك اليوم برج الثور


حظك اليوم برج الثور عاطفياً


( الكراش والإكس والبوي والجيرل فريند والجوز والزوجة والقرايب ):


خد بالك عشان الجو فيه تراب وغبار ومطر خفيف ورومانسية وشحتفة وإحتياج للحب.


حظك اليوم برج الثور عملياً: 


( الشغل والمذاكرة والتخطيط لبكرة ):


 


هتتفق النهاردة ف الاغلب على حاجة هتعود عليك بالمنفعة ودة شيئ جميل ويستحق الاحتفال مهما كان العائد بسيط.. اهو على الاقل مانتش قاعد مقموص من الحياة ومبتعملش اي حاجة زي ناس تانية ف ابراج تانية ملناش دعوة بيها.. إحتفل.. دة حقك


:حظك اليوم برج الثور صحيا


( نفسيا وجسمانيا وكل مايخص طاسة المزاج ):


صحيا النهاردة انتا محتاج تقرا اي كوميكس يقع تحت ايدك وخصوصا لو كان لكاركتر انتا بتحبه من وانتا صغنن.. مش ميمز ملهاش عازة ومتسمية غلط كوميكس وهي ولا ليها علاقة بالكوميكس من قريب او من بعيد ولا بفن القصص المصورة اساسا..


حظك الغذائي:


غذائيا النهاردة انتا من حقك تاكل الحاجة اللي تعجبك حتى لو كانت مجرد فول وطعمية وبتنجان وفلفل مقلي.. براحتك..


شعارك اليوم:


حكاية من أيام الجدود..عمر القطط ما تعلي علي الأسود..


لونك اليوم:


بينك فاتح..


إعرف توافق برج الثور مع باقي الأبراج النهاردة


متوافق مع الابراج البسكوتية والبربوشية والكتكوتية والمائية والهوائية والترابية والبرمائية..


من مشاهير برج الثور


Jessica Alba برج الثور



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الثور