التوقيت الجمعة، 17 أغسطس 2018
التوقيت 01:39 ص , بتوقيت القاهرة

حظك اليوم مع عبدالله أحمد الثلاثاء 20/2/2018 حكمة للأسد ونصيحة للعقرب

حظك اليوم وتوقعات الأبراج مع عبدالله أحمد الثلاثاء 20/2/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


لو قالك انتي زي أختي قوليله ملوك الفراعنة كانوا بيتجوزوا إخواتهم عادي يعني.   


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الثلاثاء 20/2/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


وبعدين معاك.. قولنا مليون مرة قبل كدة تخلى حبة عن كبرياءك وإتشجع وإطلب الدلع من الحياة وبلاش قمصة ملهاش عازة.. هتفضل لإمتى مستريح ف دور الضحية بالظبط؟.. لحد إمتى.


برج الحمل عملياً


( الشغل والمذاكرة والتخطيط لبكرة ):


ركز واهتم بمشاعر الناس اللي حواليك حبة عشان متصحاش ف يوم متلاقيهومش اساسا..


برج الحمل صحياً


( نفسيا وجسمانيا وكل مايخص طاسة المزاج ):


صحيا النهاردة انتا محتاج تهتم ف العموم تبقى احسن وافضل واروق وبس


إعرف توافق برج الحمل مع باقي الأبراج النهاردة:


متوافق مع الابراج الحسواكية والفرفورية والحنتوسية والبرمائية والترابية والنارية والهوائية..


حظك اليوم برج الثور دوت مصر


إعرف حظك اليوم برج الثور بالتفصيل الثلاثاء 20/2/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


في حد بيحبك بس مكسوف يقول غالبا او خايف من رد فعلك..


برج الثور عملياً


( الشغل والمذاكرة والتخطيط لبكرة ): 


هتحتاج تبعد عشان تشوف الصورة الكبيرة بكل تفاصيلها انما طول مانتا قريب بزيادة من كل حاجة هتلاقي الصورة بتبكسل ومش هتعرف تاخد قرارات صح مظبوطة مريحة ليك نفسيا وناجحة عمليا.. انتا محتاج تفصل حبة وتاخد اجازة من التفكير ولو لنص يوم بعيد عن أي زحمة وأي رغي.


برج الثور صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج اجازة بشكل عاجل..


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والكتكوتية والمائية والنارية والهوائية والبرمائية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الثلاثاء 20/2/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مودك النهاردة ممكن يقلب ف نص اليوم وساعتها مفيش حاجة ممكن تروقه غير اغاني ام كلثوم والايس كريم والتفاح الاخضر والكلام الحلو والإهتمام من حد بيحبك بجد من قلبه وبس.


برج الجوزاء عملياً 


( الشغل والمذاكرة والتخطيط لبكرة ):


متقلقش من بكرة.. مسيره ييجي وتعرف انه يوم زيه زي اي يوم عدى عليك عادي خالص.. ثم خليك واثق انه ايا كان ماتحمله لك الايام من مفاجأت ف انتا قادر على التعامل معاها زي اللي قبلها بالظبط


برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة زي إمبارح انتا محتاج تنام كويس وبعمق..


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والنارية والترابية والمائية ..


حظك اليوم برج السرطان دوت مصر


إعرف حظك اليوم برج السرطان بالتفصيل الثلاثاء 20/2/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


كل حاجة ماشي حالها بس في تلاكيك ف الاجواء حواليك.. خليك هادي بقى ومتعملش قلق ومتلفتش الانظار ليك خالص النهاردة..


برج السرطان عملياً 


( الشغل والمذاكرة والتخطيط لبكرة ):


صحتك النهاردة تتطلب شوية حركة ف المكان ايا كانت حتى لو هتتنطط على السرير او على الكنبة..


برج السرطان صحياً 


(نفسيا وجسمانيا وكل مايخص طاسة المزاج ):


صحتك النهاردة تتطلب شوية حركة ف المكان ايا كانت حتى لو هتتنطط على السرير او على الكنبة..


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والبرمائية والكتكوتية والنارية والترابية والهوائية والمائية..


حظك اليوم برج الا?سد دوت مصر


إعرف حظك اليوم برج الأسد بالتفصيل الثلاثاء 20/2/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بلاش كسل وخوف وعيش حياتك حبة براحتك.. مش لازم كل حاجة تبقى بتعملها مع تفكير وتوتر كتير جدا.. اوقات لازم تبقى على راحتك شوية وتتصرف بعفوية


برج الأسد عملياً 


( الشغل والمذاكرة والتخطيط لبكرة ):


قدامك كل الفرص متاحة بعكس ناس تانية كتير جدا.. حاول تتصرف صح وبعقل وبحكمة وبلاش غرور وثقة أوفر عشان مترجعش تزعل.


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة تمام بس خد بالك بس من جيوبك الانفية عشان في تراب بسيط ف الجو


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والسمكمكية والهوائية والنارية والترابية والمائية..


حظك اليوم برج العذراء دوت مصر


إعرف حظك اليوم برج العذراء بالتفصيل الثلاثاء 20/2/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


قدامك سكة خطر وسكة امان وسكة مابين البينين النهاردة.. اختار اللي يريح أعصابك مش اللي يبقى شكله حلو قدام الناس وخلاص


برج العذراء عملياً 


( الشغل والمذاكرة والتخطيط لبكرة ):


مستوى تركيزك النهاردة عالي جدا جدا وممكن تعمل اي حاجة مهمة انتا كنت مأجلها خصوصا وان المزاج حاضر برضة وماشي حاله.. موفق يا معلم ايا كانت المصيبة اللي هتعملها.


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة تمام بس مزاجيا محتاج تقعد مع اصحابك على قهوة تلعبوا طاولة ولا كوتشينة.. ولا تنموا على الناس براحتكوا يعني


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والبرمائية والنارية والترابية والهوائية والنارية والمائية..


حظك اليوم برج الميزان دوت مصر


إعرف حظك اليوم برج الميزان بالتفصيل الثلاثاء 20/2/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


انتا اللي عملت ف نفسك كدة مش حد تاني.. ف لو هتلوم حد علي حالة الزحمة البشرية اللي بتتنطط حواليك دي وعاوزة تستغلك متلومش حد الا انتا وبس.. انتا السبب..


برج الميزان عملياً 


( الشغل والمذاكرة والتخطيط لبكرة ):


الأكل اوقات أهم عندك من الناس ودي حاجة مش عيب بس حاول متجاهرش بيها كل شوية كأنها فكرة حلوة تستحق الفخر والدعاية طول الوقت.. عيب يابني كدة والله.


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة تمام بس نفسيا انتا مش تمام ومحتاج تنتعش حبة وبالذات من اول اليوم.. شوفلك اي نشاط مختلف يبسطك وإعمله مش أزمة ابدا..


تعرف على توافق برج الميزان مع باقي الأبراج النهاردة:


متوافق مع الابراج الدرامية والبحرية والبرميلية والسمكمكية والنيلية والفضية والهوائية والنارية والبرمائية..


حظك اليوم برج العقرب دوت مصر


إعرف حظك اليوم برج العقرب بالتفصيل الثلاثاء 20/2/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


الكون مش هيمشي على مزاجك مهما اتخانقت ف ريح نفسك كدة وإنبط وشوفلك حاجة مفيدة اعملها أحسن.


برج العقرب عملياً 


( الشغل والمذاكرة والتخطيط لبكرة ):


دلع نفسك ومتستناش دلع من اي طرف خارجي يابرنس ولا تضايق نفسك ولا تشتكي..


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة تمشية بالليل على الكورنيش مع كوز درة وشوية ترمس.. أو فيلم حلو قديم تتفرج عليه وانتا متكلفت ف السرير


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والكهربائية والبرطمانية والكهرمانية والترابية والبرمائية والنارية..


حظك اليوم برج القوس دوت مصر


إعرف حظك اليوم برج القوس بالتفصيل الثلاثاء 20/2/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


اختار تنبسط وبلاش تجري ورا النكد مهما كان مغري النهاردة.. اختار تنبسط..


برج القوس عملياً 


( الشغل والمذاكرة والتخطيط لبكرة ):


راقب المؤشرات العملية كويس النهاردة وخلي كل اهتمامك موجه للنجاح والتألق ف اللي بتعمله مهما كان بسيط.. غير كدة كل حاجة ماشية فل متقلقش خالص.


برج القوس صحياً 


( نفسيا وجسمانيا وكل مايخص طاسة المزاج ):


صحتك النهاردة ماشي حالها بس ياريت تهتم حبة بضهرك وفقرات رقبتك شوية زيادة.. اتحرك حبة وبلاش قعدة كتير


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والهوائية والترابية والهوائية والنارية..


حظك اليوم برج الجدي دوت مصر


إعرف حظك اليوم برج الجدي بالتفصيل الثلاثاء 20/2/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


روش على روحك حبة كدة ودندشها بأي تحرك عاطفي بدل مانتا قاعد حزين كدة..


برج الجدي عملياً 


( الشغل والمذاكرة والتخطيط لبكرة ):


خد بالك عشان النهاردة ممكن يبقى يوم غريب حبة ومتحصلش فيه اي حاجة مهمة من اي نوع.


برج الجدي صحياً 


( نفسيا وجسمانيا وكل مايخص طاسة المزاج ):


صحتك النهاردة زي الفل بس ممكن جيوبك الانفية تضايقك حبة.. إغسلهم بمية دافية وملح ولا حاجة


تعرف على توافق برج الجدي مع باقي الأبراج النهاردة:


متوافق مع الابراج البربئية والمونوكرومية والحنتوسية والحلبسية والكشرية والبرمائية والترابية والهوائية والنارية..


حظك اليوم برج الدلو دوت مصر


إعرف حظك اليوم برج الدلو بالتفصيل الثلاثاء 20/2/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


عواطفك ف حالة ملل اليومين دول ليه يامعلم.. زهقان ولا خايف ولا ايه نظامك بالظبط؟..


برج الدلو عملياً 


( الشغل والمذاكرة والتخطيط لبكرة ):


حاول تكون غامض النهاردة على قد ماتقدر لا لشيئ الا انك تحير اي حد مركز معاك وبيفكر يرازيك ف اي إتجاه.. أهي منها تسلية حلوة ومنها مرازية استباقية ف شخص يستاهل اكيد.


برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم ماشي حالها بس حاول تهتم حبة بنوعية أكلك وشربك بدل ماترجع تزعل من تاني.. بلاش اكل شارع.. بلاش


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والكتكوتية والبرمائية والنارية والمائية والهوائية..


حظك اليوم برج الحوت دوت مصر


إعرف حظك اليوم برج الحوت بالتفصيل الثلاثاء 20/2/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مودك ومزاجك ممكن يبقى ف العلالي الليلة لو ركزت ف انك تنبسط مش ف انك تعد الحاجات اللي ناقصة ف حياتك قبل ماتنام..


برج الحوت عملياً 


( الشغل والمذاكرة والتخطيط لبكرة ):


بدل ماتسهر تتشحتف ع الحب المفقود ف حياتك وذكرياتك وتعض ف السندوتشات شوفلك حاجة مفيدة للكوكب إعملها كدة بدل مانتا قاعد كدة ياأخي.. سلي وقتك حبة و رد الجميل للزلطة التايهة اللي انتا عايش علي ضهرها واكل شارب نايم مبتدفعش حاجة.


برج الحوت صحياً 


( نفسيا وجسمانيا وكل مايخص طاسة المزاج ):


صحيا انتا محتاج تركز حبة ف الفاكهة اكتر من الطبيخ ومحتاج تشوف بحر ولو ف الصور بس مش أكتر..


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والكتكوتية والمستحية والنارية والترابية والهوائية.



اعلان حظك اليوم دوت مصر