تعرف على حظك اليوم ل برج الحمل مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الحمل عاطفياً

( الكراش والإكس والبوي والجيرل فريند والجوز والزوجة والقرايب ):

محتاج الحب والدلع ومستكبر.. يافرحة الطبيعة الأم بيك والله.. يازين ماجبتي ياختي

برج الحمل عملياً:

( الشغل والمذاكرة والتخطيط لبكرة ):

بركان فرحة مستخبي جواك ومحتاج منك تدور عليه كويس بنفسك ومتستناش اي علامات من العالم.. إنبسط وعاند ف نكد الحياة.. دة حقك المكتسب بوجودك ف العالم وحق وجدانك عليك... إنبسط.

حظك اليوم برج الحمل صحياً: 

( نفسيا وجسمانيا وكل مايخص طاسة المزاج ):

صحيا النهاردة انتا محتاج تهتم بصحتك وبمزاجك حبة ياريت وبلاش طناش وشكوى ف الفاضية والمليانة.. كفاية دعاية لأحزانك وابتدي شوف حلول بقى..

حظك الغذائي:

غذائيا النهاردة تقدر تاكل بيتزا لو ليك مزاج لبيتزا وتقدر برضة تاكل محشي ورز وطبيخ براحتك.. المهم تضرب شيكولاتة بالليل.. مش أكتر..

شعارك اليوم:

مفيش حب دايم كله ع الشط عايم..

لونك اليوم:

برتقاني..

إعرف توافق برج الحمل مع باقي الأبراج النهاردة

متوافق مع الابراج الحسواكية والفرفورية والحنتوسية والبرمائية والترابية والهوائية..

من مشاهير برج الحمل

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.