إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

تخيل سمكة قرش مدمنة على المكرونة بالبشاميل.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الجمعة 16/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

حاول تتفاءل بالنهار حبة النهاردة وبالليل تقدر ترجع لوضعك الطبيعي وتقلب كل حاجة دراما ابيض واسود براحتك..

برج الحمل عملياً

( الشغل والمذاكرة والتخطيط لبكرة ):

انتا محتاج دلع كتير بشكل عاجل على فكرة ومستكبر تطلب او تقول.. انتا حر..

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تهتم بعينك حبة زيادة يامعلم عشان واضح ان تقلبات الفصول مروقاها حساسية..

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والنارية والهوائية..

إعرف حظك اليوم برج الثور بالتفصيل الجمعة 16/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتتحب قريب بشدة.. اتقل بس وافتح مسامك للحياة ومتقفلش على روحك وقلبك ف الضلمة.. بلاش.. عيش وانبسط.. دي مجرد شوية حياة.. مش أكتر..

برج الثور عملياً

( الشغل والمذاكرة والتخطيط لبكرة ): 

فلوس ف الطريف اليك.. داري ع الموضوع دة ومتسحيش لروحك عشان متتنظرش ولا تتحسد والموضوع يبوظ..

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة كل شيئ هادئ على الجبهة الصحية..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والمائية والنارية والبرمائية..

إعرف حظك اليوم برج الجوزاء بالتفصيل الجمعة 16/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

منتعش ومبسوط على ايه بالظبط.. واضح انك عارف حاجة احنا مش عارفينها غالبا ولا حاجة..

برج الجوزاء عملياً 

( الشغل والمذاكرة والتخطيط لبكرة ):

حاسس انك بتحب الدنيا كلها النهاردة ماشاء الله ولا حول ولاقوة الا بالله..

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة تقدر تأجر عجل او تقف تعمل شوية تمرينات كدة وكدة قال يعني بتلعب رياضة.. الموضوع دة مهم لضميرك مش ليك انتا خالص..

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والترابية والهوائية..

إعرف حظك اليوم برج السرطان بالتفصيل الجمعة 16/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اليوم كويس من الناحية العملية والتكنولوجية.. حاسب بس من اي حاجة فيها كهربا النهاردة خالص

برج السرطان عملياً 

( الشغل والمذاكرة والتخطيط لبكرة ):

متتفاجئش اوي الليلة.. كل اللي بيحصل دة من تحت راس عمايلك انتا مش اي حد تاني.. اعترف احسن

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة محتاجة شوية طاقة ايجابية وتفاؤل وحاجات من اللي انتا مبتحبهاش دي..

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والهوائية والنارية والمائية..

إعرف حظك اليوم برج الأسد بالتفصيل الجمعة 16/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متسمعش نصايح من حد النهاردة لأنه غالبا بيغرقك زيادة.. ثم اللي جواك ميتحكيش لحد ولا ينفع يتحكي اساسا..

برج الأسد عملياً 

( الشغل والمذاكرة والتخطيط لبكرة ):

اللي جواك مينفعش يتحكي لحد اساسا..ثم محدش هيعرف ايه هو حل مشاكلك الا انتا وبس.. شغل دماغك بس حبة وكل حاجة هتبقى فل متقلقش

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة ماشي حالها بس حاول متكسلش وتنزل وتتحرك وترازي ف الحياة زي مابترازي فيك بالظبط..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والترابية والنارية والمائية..

إعرف حظك اليوم برج العذراء بالتفصيل الجمعة 16/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إجتماع على مستوى القاعدة مابين قلبك وعقلك ومعدتك..حاول توفق ومتولعش الدنيا مابينهم عشان لو اتخانقوا انتا اللي هتخسر ف الاخر..

برج العذراء عملياً 

( الشغل والمذاكرة والتخطيط لبكرة ):

طالما حاسس بالهارموني مابينك وبين الطبيعة النهاردة يبقى متقلقش من اي حاجة من اي نوع..

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية اهتمام ومساج لضهرك بسيط مش اكتر

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والنارية والهوائية والمائية..

إعرف حظك اليوم برج الميزان بالتفصيل الجمعة 16/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

يابرج الميزان.. رغم انه انتا محتاج بشكل واضح تريح وتكسل وتقعد متعملش اي حاجة الا انه جواك صوت بيقولك اشتغل وشوف اللي وراك.. تسمعله بقى او تطنشه انتا حر..

برج الميزان عملياً 

( الشغل والمذاكرة والتخطيط لبكرة ):

النجاح ف الحياة مالوش كتالوج واضح للأسف وكل اللي نقدر نعمله هو اننا نشتغل وبس.. مش اكتر

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة تمام وزي الفل حاول تستخدم الصحة دي ف الخير بقى ياريت..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والهوائية والنارية والبرمائية..

إعرف حظك اليوم برج العقرب بالتفصيل الجمعة 16/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اللي يتكلم يتكلم واللي يقول يقول.. ف الاخر كله بيفطر فول..

برج العقرب عملياً 

( الشغل والمذاكرة والتخطيط لبكرة ):

سيبك منهم ومتعبرهمش.. هما بس غالبا غيرانين منك ومن تألقك ونجاحك ووضوح اهدافك وحلاوتك مش أكتر.. ابعد انتا بس عنهم وشوف اللي وراك وخلصه من سكات وبس

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية واقعية لو بجنيه..

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والهوائية والبرمائية والنارية..

إعرف حظك اليوم برج القوس بالتفصيل الجمعة 16/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

كل حاجة ماشية تمام وزي الفل.. حاول متبوظهاش بتدخلاتك الجراحية المعروفة لمجرد انك قاعد زهقان ومش لاقي حاجة تعملها.. بلاش

برج القوس عملياً 

( الشغل والمذاكرة والتخطيط لبكرة ):

دلع الناس اللي بتحبها النهاردة.. دي اهم حاجة هتعملها الليلة اساسا حضرتك..

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة تمام ومزاجك منتعش ورايق.. يارب دايما ياخويا والله

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والهوائية والنارية..

إعرف حظك اليوم برج الجدي بالتفصيل الجمعة 16/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مش عيب تعترف انك محتاس ومحتاج تشور صديق مخلص بس مستكبر تعمل كدة.. رغم انه انتا عارف انه ممكن يحللك المشكلة وببساطة بكلمتين ولا حاجة..

برج الجدي عملياً 

( الشغل والمذاكرة والتخطيط لبكرة ):

متستكبرش تطلب المساعدة.. عيب كدة والله..امال اي فايدة الصحاب لو مش هيساعدوا بعض تفتكر..

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة ماشي حالها بس خد بالك من اي حد بيعطس او بيكح حواليك..

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والبرمائية والترابية والنارية..

إعرف حظك اليوم برج الدلو بالتفصيل الجمعة 16/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اليوم جميل ومنعش ومناسب للزقططة والفرفشة الاحتفال بالحياة وبس

برج الدلو عملياً 

( الشغل والمذاكرة والتخطيط لبكرة ):

متتخانقش مع اي حد.. ميستاهلوش تبوظ مزاجك عشانهم اساسا خصوصا وانك دايما بتبقى ف حالك وهما اللي بييجوا يضايقوا فيك.. حصل ولا محصلش؟..

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم ف تحسن طفيف ودة كويس.. حاول تحتفل النهاردة بالعند ف الظروف وف الحياة.. دة مهم جدا لمزاجك ولصحتك..

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والمائية والنارية والترابية..

إعرف حظك اليوم برج الحوت بالتفصيل الجمعة 16/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

يوم جميل جدا جدا.. ومناسب للحب وللعب وللنوم ومناسب برضة لو حابب تقعد كدة ومتعملش اي حاجة ولا تكلم اي حد من اي نوع وف اي اتجاه.. براحتك.. برضة هتنبسط

برج الحوت عملياً 

( الشغل والمذاكرة والتخطيط لبكرة ):

النهاردة انتا حلو بشكل استثنائي وجميل والشياكة هتبقى حاجة مهمة جدا ف حياتك.. خصوصا شياكة الكلام المتدارية المستخبية مش مجرد الشياكة الشكلية وبس

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا زي الفل واليوم حلو غصبا عن اي حد.. ثق ف كدة

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والترابية.