التوقيت الثلاثاء، 22 مايو 2018
التوقيت 01:50 م , بتوقيت القاهرة
رئيس التحرير: هاني رفعـت
رئيس التحرير: هاني رفعـت
|

تابعونا على

|

فن ومنوعات

برج الجدي

برج الجدي حظك اليوم الأربعاء 14/2/2018 ..متسيبش حد يكسر مقاديفك

تعرف على حظك اليوم ل برج الجدي مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الجدي


حظك اليوم برج الجدي عاطفياً


( الكراش والإكس والبوي والجيرل فريند والجوز والزوجة والقرايب ):


بلاش يأس عاطفي النهاردة خالص.. اليوم حلو غصبا عن الحب وعن عيد الحب وعن الناس اللي فاكرة ان للحب عيد اساسا المفروض يحتفلوا بيه مع بعض بهدايا ودباديب.


 حظك اليوم برج الجدي عملياً 


( الشغل والمذاكرة والتخطيط لبكرة ):


 


اجتهد وابذل اقصى ماعندك ومتسيبش حد يكسر مقاديفك النهاردة لمجرد انه غيران من انك عاوز تنجح ف حياتك او على الاقل تستقل بدماغك وحياتك..


حظك اليوم برج الجدي صحياً 


( نفسيا وجسمانيا وكل مايخص طاسة المزاج ):


صحتك النهاردة ماشي حالها بس ياريت تهتم حبة بمفاصلك وبالتنوع الغذائي اللي جسمك محتاجه..


حظك الغذائي:


غذائيا النهاردة تقدر تتجه لأي نوع من انواع ال سندوتشات اللي تعجبك النهاردة زي الشاورمة مثلا او الجبنة المقلية مع شريحة طماطم مثلا ولا حاجة.. 


شعارك اليوم:


تجنب أن تكون غلبان في أي زمكان..


لونك اليوم:


بلو بلاك..


إعرف توافق برج الجدي مع باقي الأبراج النهاردة


متوافق مع الابراج البربئية والمونوكرومية والحنتوسية والحلبسية والكشرية والبرمائية والترابية والنارية..


من مشاهير برج الجدي


January Jones برج الجدي



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الجدي

تابعونا على

الأكثر مشاهدة

ما وراء الخبر
أخبار
دوت تي في
بيزنس
خليج
فن ومنوعات
دوت كورة
مقالات