التوقيت الإثنين، 23 يوليه 2018
التوقيت 07:16 م , بتوقيت القاهرة
رئيس التحرير: هاني رفعـت
رئيس التحرير: هاني رفعـت
|

تابعونا على

|

فن ومنوعات

حظك اليوم وتوقعات الأبراج مع عبدالله أحمد الثلاثاء 13/2/2018

حظك اليوم مع عبدالله أحمد الثلاثاء 13/2/2018 رقص للعقرب مزاج للدلو

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


متطلعيش حد انتي كنتي رامياه ف منور فريندزونك الضلمة لسنين وتتجوزيه ياشابة لأنه غالبا هينتقم.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الثلاثاء 13/2/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


محتاج دايما حد يشاركك كل حاجة حلوة بتحسها وكل حاجة حلوة بتشوفها.. إتقل وهتنبسط إنبساط اكتر من المطرة اللي نازلة من السما.. إتقل بس وإعرف قيمة نفسك كويس جدا الليلة.


برج الحمل عملياً


( الشغل والمذاكرة والتخطيط لبكرة ):


حاول تقلل من الفرجة على التلفزيون النهاردة وحاول تبعد تماما عن التعامل مع اي عيال صغيرة.. سواء سناً أو ف نفسيتها..


برج الحمل صحياً


( نفسيا وجسمانيا وكل مايخص طاسة المزاج ):


صحيا النهاردة انتا جسمك مكسر ومدغدغ وتعبان وحاسس بالخمول والكسل معظم الوقت.. حاول تعمل اي نشاط رياضي وتبطل اوهام التخن والدايت والكلام الفاضي دة خالص.. احنا بشر عاديين مش موديلز اعلانات ولا ممثلين يابرنس الزمان..


إعرف توافق برج الحمل مع باقي الأبراج النهاردة:


متوافق مع الابراج الحسواكية والفرفورية والحنتوسية والبرمائية والنارية والترابية والهوائية..


حظك اليوم برج الثور دوت مصر


إعرف حظك اليوم برج الثور بالتفصيل الثلاثاء 13/2/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


جوة عقلك انتا حر ف خيالك بشكل كامل.. تشطبه مودرن او كلاسيك براحتك وبالألوان اللي تعجبك وتبقى على ذوقك وبس ومحدش له حاجة عندك اساسا.


برج الثور عملياً


( الشغل والمذاكرة والتخطيط لبكرة ): 


متسرحش ورا اي دراما متاحة قدامك النهاردة وياريت ياريت يعني تنبسط حبة بأي شكل من الاشكال..


برج الثور صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج مساج لرقبتك وقفاك وودانك..


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والكتكوتية والترابية والمائية والبرمائية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الثلاثاء 13/2/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


متشغلش بالك بنظرة الناس ليك بشلن النهاردة ومتتكلمش برضة عن انك مش شاغل بالك بنظرة الناس ليك برضة ياريت..


برج الجوزاء عملياً 


( الشغل والمذاكرة والتخطيط لبكرة ):


الجو مطرة ومناسب لفرحتك وزقططتك الخاصة وبس.. مش ناقص دوشة وقالوا وقولنا وعملوا وعملنا خالص خالص.. افرح وانبسط احسن مع نفسك وفكك منهم.


برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة انتا تمام بس ياريت تاخد بالك من قلبك حبة وتراعيه وتدلعه..


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والنارية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل الثلاثاء 13/2/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


محدش يقدر يقرر مصيرك ف الحياة الا انتا وبس.. اي وهم تاني ارجوك متسرحش وراه.. انتا وبس اللي عارف امكانيات نفسك وانتا اللي تقدر توظفها صح وبس.. غير كدة هيبقى كله كلام مالوش عازة من ناس برضة ف الاغلب ف حياتها محتاسة وبتتكلم عنك من منطلق فكرتها عنك وعن قدراتك.. مش أكتر..


برج السرطان عملياً 


( الشغل والمذاكرة والتخطيط لبكرة ):


بلاش الوان غامقة ف الهدوم من اي نوع النهاردة عشان العكوسات متعملكش مشاكل ياريت..


برج السرطان صحياً 


(نفسيا وجسمانيا وكل مايخص طاسة المزاج ):


صحتك النهاردة اروق من امبارح حبة وف تحسن خفيف بس ملحوظ..


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والبرمائية والمائية والكتكوتية والنارية..


حظك اليوم برج الا?سد دوت مصر


إعرف حظك اليوم برج الأسد بالتفصيل الثلاثاء 13/2/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بلاش منائرة وفرهدة ف اللي حواليك لمجرد انك متضايق او مش متحقق او مش حاسس انك محبوب كفاية او حابب تشد الانتباه بشكل طفولي وخلاص كالعادة.. بلاش.. إكبر بقى حبة..إكبر..


برج الأسد عملياً 


( الشغل والمذاكرة والتخطيط لبكرة ):


الحياة مبتديش حد برستيچ مجاني خاص ايا كان.. مبتعرفش ومبتقدرش على روحها ف الاغلب.. عشان كدة لازم انتا اللي تدي لنفسك الوضع اللي تحب تتعامل بيه وعلى اساسه النهاردة.. وإتعب على شغلك جدا جدا اليومين دول ومتكسلش.


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة فل وتمام بس ياريت تخف حبة من النرجسية العلنية عشان متلبسش ف الحيطة فجأة وترجع تزعل..


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والسمكمكية والهوائية والترابية والهوائية والنارية..


حظك اليوم برج العذراء دوت مصر


إعرف حظك اليوم برج العذراء بالتفصيل الثلاثاء 13/2/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


محادثة بناءة مع حد انتا بتستلطفه.. حاول تبتسم ف خلقته وانتا بتكلمه ومتعاملوش بشكل فورمال لمجرد انك مكسوف.. إتنحرر كدة واتحرك وبلاش خوف من اللي بيطلع ف شكل برود الله يباركلك.


برج العذراء عملياً 


( الشغل والمذاكرة والتخطيط لبكرة ):


ركز على قد ماتقدر الليلة عشان احتمال تكتب حاجة حلوة جدا لنفسك عن نفسك..


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة حبة عناية واهتمام وخصوصا ف الاكل والشرب..


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والبرمائية والنارية والترابية والنارية والمائية..


حظك اليوم برج الميزان دوت مصر


إعرف حظك اليوم برج الميزان بالتفصيل الثلاثاء 13/2/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


متركزش ف تفاصيل الناس والحياة بزيادة عشان متتعبش.. تحويشة التفاصيل المزعجة دي ف عقلك الباطن هتهاجمك بعدين وهتطلع ف صورة قلق وكوابيس.. ف بلاش وإفتكر اني قولتلك بلاش.


برج الميزان عملياً 


( الشغل والمذاكرة والتخطيط لبكرة ):


متسرحش ورا النكد اللي بيخلقه مود المطر اللي شغال اليومين دول وركز كدة وانتا ماشي عشان متدوسش ف مية او طينة من غير ماتاخد بالك لمجرد انك سارح بخيالك وعينيك باصص لفوق ف السما لشكل السحاب اللي على شكل ارنب وتعالب بتجري ورا الارنب دة..


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة شوية ثقة وتشجيع صباحي من نفسك لنفسك وشوية ايروبكس.. كمان اياك ثم ف اياك متفطرش كويس.. يالهوي ع اللي هيحصل لو مفطرتش يالهوي..


تعرف على توافق برج الميزان مع باقي الأبراج النهاردة:


متوافق مع الابراج الدرامية والبحرية والبرميلية والسمكمكية والنيلية والفضية والترابية والهوائية والبرمائية..


حظك اليوم برج العقرب دوت مصر


إعرف حظك اليوم برج العقرب بالتفصيل الثلاثاء 13/2/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


في حد هيعاملك حلو بزيادة النهاردة.. متفرحش اوي.. جايز عاوز منك مصلحة ولا حاجة مش بيعاملك حلو لمجرد سواد عيونك.. خد بالك كدة وصحصح عشان محدش يضحك عليك.


برج العقرب عملياً 


( الشغل والمذاكرة والتخطيط لبكرة ):


انتا عارف مصلحتك كويس جدا ومش محتاج حد يقولك اي حاجة عنها خصوصا وانك مبيعجبكش اساسا اي نصايح من اي حد رغم انك من اكتر الناس اللي محتاجة نصايح وبتدور عليها ف السر عشان هي تايهة ف الحياة زيها زي اي حد بس عايشة ف دور انها اكبر من انها تتنصح او انها تعترف انها محتاجة نصيحة اساسا من اي حد.. دة طبعا بجانب انك بتعشق انك انتا اللي تنصح الناس وتقولهم يعملوا ايه وميعملوش ايه.. مش العكس.


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة منك ترقص تحت المطر او تتمشى على الاقل حبة مع نفسك او مع حد مش هتفرق كتير..


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والكهربائية والبرطمانية والكهرمانية والهوائية والمائية والنارية..


حظك اليوم برج القوس دوت مصر


إعرف حظك اليوم برج القوس بالتفصيل الثلاثاء 13/2/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


كل شيئ هادئ على كل الجبهات العاطفية ومستقر وماشي حاله.. حاول تستفيد من فترة الهدنة دي على قد ماتقدر ومتفكرش ف اي نكد من اي نوع


برج القوس عملياً 


( الشغل والمذاكرة والتخطيط لبكرة ):


هتخطط لحاجة ناجحة جدا النهاردة هتفرق ف مستقبلك.. ثق ف نفسك وكتم عليها ومتقولش لحد خالص.. موفق بإذن الله دايما.


برج القوس صحياً 


( نفسيا وجسمانيا وكل مايخص طاسة المزاج ):


صحتك النهاردة تمام ومنتعشة وتمام.. حاول بس تضرب حلبسة بالليل تحت المطر وتنبسط..


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والمائية والترابية والهوائية والنارية..


حظك اليوم برج الجدي دوت مصر


إعرف حظك اليوم برج الجدي بالتفصيل الثلاثاء 13/2/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


إجتماع على مستوى القاعدة بينك وبين أفكارك.. حاولوا متتخانقوش سوا عشان الجو مش مستحمل عكوسات أكتر من كدة.


برج الجدي عملياً 


( الشغل والمذاكرة والتخطيط لبكرة ):


الهدوء والحكمة النهاردة هيبقوا حاجة مهمة جدا وهيساعدوك تركز وتخلص كل اللي وراك بإبداع وفن.. إتفائل خير بالمطر..


برج الجدي صحياً 


( نفسيا وجسمانيا وكل مايخص طاسة المزاج ):


صحتك النهاردة زي الفل بس حذاري من الناس اللي عندها برد ومبتقولش وبتسلم وتحضن كأنها برفكت وتمام بدل مايبقوا صرحا ويقولوا انهم شغالين لحساب الميكروبات ف السر غصب عنهم بقالهم كام يوم..


تعرف على توافق برج الجدي مع باقي الأبراج النهاردة:


متوافق مع الابراج البربئية والمونوكرومية والحنتوسية والحلبسية والكشرية والبرمائية والهوائية والنارية..


حظك اليوم برج الدلو دوت مصر


إعرف حظك اليوم برج الدلو بالتفصيل الثلاثاء 13/2/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


اليوم مناسب جدا للمزاج العالي ولمراقبة أثار المطر من ورا الشبابيك.


برج الدلو عملياً 


( الشغل والمذاكرة والتخطيط لبكرة ):


اشتغل من نار وركز ومتقلقش ابدا.. انتا شاطر والشطارة تضمنلك تنجح طول مانتا مركز ومثابر ومستمر.. متشغلش بالك بأي نميمة خالص.. مالوش لازمة..


زي إمبارح بالظبط وبالمللي.. حاول بس تحسن شوية وتنظم وقت نومك وصحيانك.. مش أكتر..


برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم تمام بس ياريت تبعد عن القهوة والشاي حبة معلش


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والمائية والنارية والكتكوتية والبرمائية..


حظك اليوم برج الحوت دوت مصر


إعرف حظك اليوم برج الحوت بالتفصيل الثلاثاء 13/2/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


جميل النهاردة وجاهز تتحب من اي كائنات فضائية خارج كوكب الأرض.. حاول تتسرح وتحط برفان إحتياطي بقى


برج الحوت عملياً 


( الشغل والمذاكرة والتخطيط لبكرة ):


اللون الاخضر النهاردة ف الهدوم هيبقى جميل بالنسبالك وبالنسبة للطبيعة من حواليك كمان ممكن يعكس العكوسات ف وش نفسها ويحميك من الحسد والعيون اللي متابعاك بقالها حبة دي محدش عارف هي عاوزة منك ايه وغيرانة منك ليه..


برج الحوت صحياً 


( نفسيا وجسمانيا وكل مايخص طاسة المزاج ):


صحيا انتا فل الفل بس ياريت تاخد بالك من الجو حبة ومتعاندش فيه مطلقا.. بلاش..


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والكتكوتية والمستحية والنارية والهوائية والترابية.




اعلان حظك اليوم دوت مصر


 

تابعونا على


الأكثر مشاهدة

ما وراء الخبر
أخبار
دوت تي في
بيزنس
خليج
فن ومنوعات
دوت كورة
مقالات