التوقيت الثلاثاء، 19 مارس 2024
التوقيت 01:51 م , بتوقيت القاهرة

برج الجوزاء حظك اليوم الاثنين 12/2/2018 ..هتحس النهاردة إحساسات جميلة

برج الجوزاء
برج الجوزاء

تعرف على حظك اليوم ل برج الجوزاء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الجوزاء 


حظك اليوم برج الجوزاء عاطفياً


( الكراش والإكس والبوي والجيرل فريند والجوز والزوجة والقرايب ):


هتحس النهاردة إحساسات جميلة جدا وهتشوف ف خيالك حاجات حلوة جدا جدا.. صفي نيتك بس ومتشاكلش مع حد خالص.


حظك اليوم برج الجوزاء عمليا


(الشغل والمذاكرة والتخطيط لبكرة ):


تقدر تغني النهاردة براحتك سواء قدام حد او لوحدك.. غني وبراحتك.. دة فال خير كبير ليك اساسا..


حظك اليوم برج الجوزاء صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج شوية اهتمام بضهرك وبكعوب رجليك..


حظك الغذائي:


غذائيا النهاردة تقدر تتجه للشيكولاتة بقلب جامد لو مبتحبهاش يبقى تتجه للفاكهة وخصوصا الموز والبرتقان والكيوي


شعارك اليوم:


دنيا كلها تمثيل وصعب تلاقى حد أصيل..


لونك اليوم:


الأخضر بكل درجاته..


إعرف توافق برج الجوزاء مع باقي الأبراج النهاردة


متوافق مع الابراج البرجماتية والحنكوشية والنباتية والنارية والترابية والهوائية..


من مشاهير برج الجوزاء


Johnny Depp برج الجوزاء



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الجوزاء