التوقيت الإثنين، 09 ديسمبر 2019
التوقيت 09:35 ص , بتوقيت القاهرة

برج الدلو حظك اليوم الأحد 11/2/2018 ..كفاية إنتا تفهم نفسك وتحبها

برج الدلو
برج الدلو

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الدلو


حظك اليوم برج الدلو عاطفياً


( الكراش والإكس والبوي والجيرل فريند والجوز والزوجة والقرايب ):


متضايقش نفسك يابرنس.. مش مهم حد يفهمك قد ماهو مهم فعلا انتا نفسك تفهم نفسك وتعرفها كويس وبس.. 


 


حظك اليوم برج الدلو عملياً 


( الشغل والمذاكرة والتخطيط لبكرة ):


 


محدش هيريحك ف الحياة قد نفسك لأنها غالبا الوحيدة اللي هتهتم فعلا بيك اذا كنت مبسوط او لأ.. غير كدة هيبقى اهتمام عابر ومؤقت من ناس عابرة ومؤقتة مش عاوزة اكتر من انها تقف تعدل هدومها النفسية ف مراية عينيك وبس.. 


حظك اليوم برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم محتاجة منك تهدي دماغك حبة من التفكير وتنشغل ف اي حاجة بتعملها وتستغرق فيها كدة وتتوه زي زمان وبس


حظك الغذائي


غذائيا النهاردة تقدر تتجه للمحشي والفراخ والبط والرقاق والسمبوسك والطبيخ والخضار والفاكهة براحتك النهاردة.. اعتبرها حفلة اكل لمزاجك وبس.. بلاش افترا بس ف الكميات الله يباركلك وخصوصا قبل النوم


شعارك اليوم:


ف أول الكلام وعشان كل حاجة تبقى تمام.. عبّر الناس الأول بسلام..


لونك اليوم:


تركواز ..


إعرف توافق برج الدلو مع باقي الأبراج النهاردة


متوافق مع نفسك وبس


من مشاهير برج الدلو


Tiffani Thiessen برج الدلو



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الدلو