إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

- تحب تسمع الحقيقة ولا بنت عمها؟

- سيبك من الحقيقة وقولي.. بنت عمها دي حلوة ولا لأ؟.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الجمعة 9/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

طيبة قلبك كنز ثمين جدا خصوصا وانها اجمل حاجة فيك رغم كل عيوبك..

برج الحمل عملياً

( الشغل والمذاكرة والتخطيط لبكرة ):

حاول متتخلاش عن طيبتك ابدا لا النهاردة ولا بكرة ولا بعدين.. حافظ عليها كويس لأنها فعلا كنز ممكن يحميك من العقد والشراشيب النفسية اللي بقت منتشرة ف كل حتة وف كل حد..

برج الحمل صحياً

( نفسيا وجسمانيا وكل مايخص طاسة المزاج ):

صحيا كل حاجة قشطة بس مهم تاكل كويس جدا النهاردة..

إعرف توافق برج الحمل مع باقي الأبراج النهاردة:

صحيا كل حاجة قشطة بس مهم تاكل كويس جدا النهاردة..

إعرف حظك اليوم برج الثور بالتفصيل الجمعة 9/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

متمثلش انك مبسوط عشان ترضي اي حد النهاردة ايا كان هو مين.. خليك واضح ف مشاعرك وعبر عنها بحرية الليلة..

برج الثور عملياً

( الشغل والمذاكرة والتخطيط لبكرة ): 

انتا محتاج حرية بشكل كبير ومحتاج براح واسع.. اتصرف وشوف هتعمل دة ازاي النهاردة..

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج تلعب حبة من نفسك ومع نفسك اي لعبة تعجبك وتروق مزاجك..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والترابية والمائية والبرمائية..

إعرف حظك اليوم برج الجوزاء بالتفصيل الجمعة 9/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول تبتسم للمشاكل لما تشوفها معدية الشارع وجاية ف اتجاهك النهاردة..

برج الجوزاء عملياً 

( الشغل والمذاكرة والتخطيط لبكرة ):

مزاجك متقلب النهاردة بزيادة ليه.. ثم ذنب الناس معاك ايه ف الشقلبة المستمرة دي؟.. اهدى على روحك حبة..

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج استرخاء وراحة وبعد عن الرغي اللي مالوش لازمة مع اي حد مالوش لازمة برضة..

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والنارية والترابية والهوائية..

إعرف حظك اليوم برج السرطان بالتفصيل الجمعة 9/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خللي صدرك رحب حبة لرياح التغيير اللي جاية ف السكة.. يمكن تنبسط مين يعرف.. جرب كدة

برج السرطان عملياً 

( الشغل والمذاكرة والتخطيط لبكرة ):

يوم هادي ولطيف ومحتاج شوية روقان عشان تعرف تخطط لبكرة بشكل سليم..

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة تمام وزي الفل.. استفيد من الحالة دي ف الخير ياريت على قد ماتقدر

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والترابية والمائية والهوائية..

إعرف حظك اليوم برج الأسد بالتفصيل الجمعة 9/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتحس بالاستغراب النهاردة حبة من حاجات كتير هتحصل قدامك وهتتقال.. ملكش دعوة وكبر دماغك خالص ومتتدخلش.. اتفرج وبس..

برج الأسد عملياً 

( الشغل والمذاكرة والتخطيط لبكرة ):

فكك من وهم القيادة والزعامة والاسد ملك الغابة عشان متخسرش الناس خصوصا وانك لما من غيرهم ولا حاجة وانتا عارف كدة كويس..

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل ودة مش سبب يخليك ترازي اي حد بصحتك المتألقة دي.. خليك نايس احسن

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والهوائية والترابية والنارية..

إعرف حظك اليوم برج العذراء بالتفصيل الجمعة 9/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متعاملش قلبك بقسوة النهاردة وخليك حنين عليه عشان احتمال يكون عنده شكوى منك.. حاول تسمعله حبة معلش عشان خاطر العيش والملح اللي مابينكم..

برج العذراء عملياً 

( الشغل والمذاكرة والتخطيط لبكرة ):

حاول تفك التكشيرة حبة النهاردة وتزقطط وتنبسط.. الموضوع جايز يكون صعب بس دة ف اوله وبس..

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة ماشي حالها زي إمبارح بس ياريت تحاول تخرج من اي مود وحش يهاجمك النهاردة.. مجرد تحاول بس مش أكتر.. الموضوع مش إجباري ابدا..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والترابية والمائية والهوائية..

إعرف حظك اليوم برج الميزان بالتفصيل الجمعة 9/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مبتعرفش وبتخاف تقول لأأ ليه بالظبط.. دة حقك ف الحياة طول الوقت وف كل حاجة على فكرة..

برج الميزان عملياً 

( الشغل والمذاكرة والتخطيط لبكرة ):

عمليا انتا النهاردة تقدر تتألق ف اي حاجة هتركز وتحط دماغك فيها بشكل مخلص وصميم.. حتى لو كانت مجرد انك تخش تنام طول اليوم..

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة ومفرفشة وزي الفل.. اخرج واتفسح وانبسط وبلاش نوم كتير..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والترابية والنارية والبرمائية..

إعرف حظك اليوم برج العقرب بالتفصيل الجمعة 9/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هتعمل مصيبة صغننة سرية النهاردة ف الاغلب من ورا الناس كلها.. موفق ف مساعيك الحثيثة نحو خراب الكرة الارضية.. موفق

برج العقرب عملياً 

( الشغل والمذاكرة والتخطيط لبكرة ):

كمل اللي بتعمله بنفس الروح ونفس المثابرة وهتوصل لكل حاجة حلوة.. صفي نيتك بس كويس وكل حاجة هتمشي تمام ان شاء الله..

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية هزار مع حد بتحبه وبترتاح ف الكلام معاه..

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والبرطمانية والترابية والهوائية..

إعرف حظك اليوم برج القوس بالتفصيل الجمعة 9/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

اللي مسافر جوة نفسه صعب يحس بالإنتماء لأي مكان مهما سافر.. عشان كدة لازم تكبر دماغك كدة وتشوف اي انبساط ومرح بسيط وتتشعبط فيه من سكات وخلاص..

برج القوس عملياً 

( الشغل والمذاكرة والتخطيط لبكرة ):

اليومين دول انتا مش ف المود ومستغرب من حاجات كتير وحاسس انك مش فاهم حاجة.. انتا محتاج اجازة ومحتاج دلع كتير جدا.. كبر دماغك وحاول تنبسط وبس..

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة فل بس نفسيا انتا تايه ومش مبسوط ومحتاج تاخد اجراء سريع وفعال ف الموضوع دة..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والمائية والهوائية والنارية..

إعرف حظك اليوم برج الجدي بالتفصيل الجمعة 9/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

هترجع لذكريات طفولية حلوة النهاردة ف عقل بالك وهتنبسط..

برج الجدي عملياً 

( الشغل والمذاكرة والتخطيط لبكرة ):

مهم تعمل الليلة اي حاجة ابداعية فنية بإيديك.. دة مهم لطاسة مزاجك جدا..

برج الجدي صحياً 

( نفسيا وجسمانيا وكل مايخص طاسة المزاج ):

صحتك تمام النهاردة وتقدر تزقطط وتفرفش وترقص براحتك النهاردة.. اضحك براحتك الليلة كتير.. دة مهم لصحتك.

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والنارية والهوائية والكشرية والبرمائية

إعرف حظك اليوم برج الدلو بالتفصيل الجمعة 9/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

الوحدة مش حل كويس ولا منطقي للمشاكل اللي بتواجهها اليومين دول.. خليك وسط الناس حبة ازيد من العادي معلش..

برج الدلو عملياً 

( الشغل والمذاكرة والتخطيط لبكرة ):

فكك من اي حاجة وخلي بالك من مزاجك وانبساطك وسعادتك وبس.. غير كدة كله محصل بعضه بشكل او بأخر..

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم كويسة بإستثناء شوية توتر وقلق مسيرهم يعدوا ويروحوا لحال سبيلهم لوحدهم متقلقش..

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والمائية والنارية والكتكوتية والبرمائية..

إعرف حظك اليوم برج الحوت بالتفصيل الجمعة 9/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

المكرونة ام صلصة هي الحل.. دي الحاجة الوحيدة اللي لو دققت فيها بجد هتاخد بالك انها شبه مشاعرك بالظبط.. معقدة ومتشابكة ومليانة صلصة كتير على الفاضي.. المفروض يبقى في جنبيها اي حتة بانيه بس واضح انك نسيت الموضوع دة

برج الحوت عملياً 

( الشغل والمذاكرة والتخطيط لبكرة ):

عمليا انتا هتنجح كل النجاح اللي نفسك فيه.. بس ياترى هتقف ف الاخر مبسوط فعلا وحاسس انك متحقق ولا هتقف تقول ايه اللي انا عملته ف نفسي دة؟.. على العموم ف كل الاحوال الفلوس بتحل المشكلة دي متقلقش.. خصوصا لو فلوس كتير أوي..

برج الحوت صحياً 

( نفسيا وجسمانيا وكل مايخص طاسة المزاج ):

صحيا النهاردة انتا زي الفل وزي القمر وكل حاجة فيك جميلة ومحصلتش.. انبط بقى حبة..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والنارية والهوائية والمستحية والترابية.