التوقيت الأربعاء، 20 نوفمبر 2019
التوقيت 12:28 ص , بتوقيت القاهرة

برج الميزان حظك اليوم السبت 3/2/2018 ..الوقت مهم النهاردة جدا

برج الميزان
برج الميزان

تعرف على حظك اليوم ل برج الميزان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الميزان


حظك اليوم برج الميزان عاطفياً


( الكراش والإكس والبوي والجيرل فريند والجوز والزوجة والقرايب ):


 


إختار التوقيت الصح الليلة عشان تتكلم ف اي حاجة تخص مشاعرك.. بلاش انانية ومتفترضش انك اهم من اللي بتحبه.. إقدر على روحك حبة عشان متخسرش كل حاجة..


حظك اليوم برج الميزان عملياً 


( الشغل والمذاكرة والتخطيط لبكرة ):


 


إهتم بالوقت النهاردة جدا ف كل حاجة ومتروحش اي ميعاد متأخر بتاتا.. كمان ياريت تطلع من دور المظلوم دة حبة عشان مش لايق عليك بصراحة خالص..


حظك اليوم برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة اهتمام وأكل ف مواعيد منتظمة شوية وبكميات معقولة من غير عك او طفاسة..


حظك الغذائي:


غذائيا النهاردة يفضل تتجه للطبيخ اللي تعمله بايديك مهما كان بسيط.. خصوصا لو كان شوربة خضار ميكس فيها بسلة فاصوليا وطماطماية واحدة بس وبصل وجزر وبطاطس وكوسة وحبة لسان عصفور صغنتتين ولمون.


شعارك اليوم:


مره واحد حب واحدة محبتوش فات الآوان وجت تحبه ملقتوش..


لونك اليوم:


روز فاتح..


إعرف توافق برج الميزان مع باقي الأبراج النهاردة


متوافق مع الابراج الدرامية والبحرية والسمكمكية والنيلية والفضية والنارية والبرمائية..


من مشاهير برج الميزان 


Kim Kardashian برج الميزان



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الميزان