التوقيت الإثنين، 16 يوليه 2018
التوقيت 03:19 ص , بتوقيت القاهرة
رئيس التحرير: هاني رفعـت
رئيس التحرير: هاني رفعـت
|

تابعونا على

|

فن ومنوعات

برج العذراء

برج العذراء حظك اليوم الأحد 14/1/2018 ..متفقدش الأمل

تعرف على حظك اليوم ل برج العذراء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


برج العذراء


حظك اليوم برج العذراء عاطفياً


( الكراش والإكس والبوي والجيرل فريند والجوز والزوجة والقرايب ):


 


مسيرك هتنبسط.. ادي نفسك بس مساحة ووقت كافي وان شاء الله كل حاجة هتمشي زي مانتا عاوز ويمكن اجمل كمان.. شوية تفاؤل بس مش أكتر..


حظك اليوم برج العذراء عمليا


( الشغل والمذاكرة والتخطيط لبكرة ):


 


محتاج تبطل ملل وتكسر حدة الروتين النهاردة بأي شكل من الاشكال ولو معرفتش متزعلش.. 


حظك اليوم برج العذراء صحياً 


( نفسيا وجسمانيا وكل مايخص طاسة المزاج ):


صحتك تمام بس نفسيتك محتاجة شوية بطاطس صوابع مقرمشة كتير جدا مع بقسماط وجبنة بيضا مزبدة ووكباية شاي عادي مش فتلة معمول ف براد قديم ازرق..


حظك الغذائي:


غذائيا النهاردة تقدر تتجه للبيتزا والفطاير الشرقية براحتك النهاردة.. 


شعارك اليوم:


اللي الدنيا علمته أحسن من الي ماما مرجحته..


لونك اليوم:


احمر غامق..


إعرف توافق برج العذراء مع باقي الأبراج النهاردة


متوافق مع الابراج البرطمانية والكستبانية والنارية والمائية..


من مشاهير برج العذراء


Chanel West Coast برج العذراء



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج العذراء

تابعونا على


الأكثر مشاهدة

ما وراء الخبر
أخبار
دوت تي في
بيزنس
خليج
فن ومنوعات
دوت كورة
مقالات