التوقيت الإثنين، 18 يونيو 2018
التوقيت 11:30 م , بتوقيت القاهرة
رئيس التحرير: هاني رفعـت
رئيس التحرير: هاني رفعـت
|

تابعونا على

|

فن ومنوعات

حظك اليوم وتوقعات الأبراج مع عبدالله أحمد االأحد 14/1/2018

حظك اليوم مع عبدالله أحمد الأحد 14/1/2018 طبطبة للقوس وأمل للعذراء

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


طول ما اليتيم واقف ماسك الكحكة ف إيده بيغيظ بيها البشر طبيعي محدش هيسيبه ف حاله.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الأحد 14/1/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


إهتم النهاردة بالإيجو بتاعك وحطله مية ومزيكا وأكل وبلاش تشغل بالك بالنقار والمناكفة مع اللي بيحبوك بجد.. بلاش.. طبطب عليهم احسن


برج الحمل عملياً


( الشغل والمذاكرة والتخطيط لبكرة ):


قدامك فرص كتير النهاردة عشان تعمل اكتر من حاجة حلوة.. نقي كويس وبتفاؤل وأمل من فضلك..


برج الحمل صحياً


( نفسيا وجسمانيا وكل مايخص طاسة المزاج ):


صحتك كويسة مش عشان هي كويسة فعلا بس عشان انتا اساسا مش هتقبل اي كلمة من حد النهاردة تخص صحتك


إعرف توافق برج الحمل مع باقي الأبراج النهاردة:


متوافق مع الابراج البسبوسية والمرمرية والبلاستيكية والترابية والهوائية..


حظك اليوم برج الثور دوت مصر


إعرف حظك اليوم برج الثور بالتفصيل الأحد 14/1/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


محتاج تعمل لقلبك دعاية كويسة عن طريق تصرفات كويسة.. متبقاش ماشي تروج انك ممكن تضحي بالحب ف سبيل انك تعمل اللي ف دماغك وبس بأفعالك وترجع تشتكي انك قاعد من غير حب.


برج الثور عملياً


( الشغل والمذاكرة والتخطيط لبكرة ): 


ركز ف شغلك وبلاش طناش.. الاقتصاد بتاع الكوكب مش ناقصك ولا ناقص كسلك النهردة خالص على فكرة..


برج الثور صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة منك تصحى للون كدة وتقوم نشيط وتعمل كل اللي وراك بحماسة وشغف..


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والنارية والترابية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الأحد 14/1/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


المود جميل النهارة ماشاء الله ومناسب للعواطف والمشاعر والحب والاشتياق والولع والإهتمام اللي مبتطلبش وكل التدريبات العاطفية المهمة دي


برج الجوزاء عملياً 


( الشغل والمذاكرة والتخطيط لبكرة ):


اليوم مناسب النهاردة لإكتشاف حاجات جديدة مكنتش تعرفها عن نفسك.. ع البركة يامعلم.. موفق ايا كان اللي هتكتشفه


برج الجوزاء صحياً 


( نفسيا وجسمانيا وكل مايخص طاسة المزاج ):


صحتك النهاردة كويسة وماشي حالها.. حاول تقاوم رغبتك ف قص شعرك وعمل نيولوك مفاجئ على قد ماتقدر.. لو ومقدرتش خلاص.. مش ازمة..


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل الأحد 14/1/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


واخرتها ايه معاك بالظبط؟.. هتفضل تشتكي انك مظلوم لحد امتى بالظبط وانتا بتظلم اي حد يقربلك بإقتدار ونجاح.. مش عيب تبقى بتاع مصلحتك بس حاول تبقى واضح ف الموضوع دة عشان محدش يتفاجئ بيه ويبعد عنك وتقعد لوحدك ف الاخر وتزعل وتندم.. عموما نفس الكلام بنقوله كل فترة.. كفاية دراما.. كفاية يا برج السرطان.


برج السرطان عملياً 


( الشغل والمذاكرة والتخطيط لبكرة ):


محدش بيحاول يطلعك غلطان ولا حد بيحاول يقنعك انك وحش ولا حاجة.. انتا بس محتاج تعامل الناس بنفس الطريقة اللي بتطلب منهم يعاملوك بيها..


برج السرطان صحياً 


(نفسيا وجسمانيا وكل مايخص طاسة المزاج ):


صحتك زي الفل النهاردة زي إمبارح بس ياريت تاخد بالك من سنانك بشكل اكبر من العادي


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والكتكوتية والنارية.


حظك اليوم برج الا?سد دوت مصر


إعرف حظك اليوم برج الأسد بالتفصيل الأحد 14/1/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


كل الوساوس والافكار الصغنتتة الشريرة اللي مضايقاك كلها حاجات نابعة من كونك مبتشبعش نوم بشكل كافي.. مش أكتر..


برج الأسد عملياً 


( الشغل والمذاكرة والتخطيط لبكرة ):


ايا كان اللي وراك النهاردة متخليهوش يثنيك او ينسيك انك محتاج تنام وتريح ساعة ف وسط النهار تغمض فيها عينك ومتفكرش ف اي حاجة غير المزيكا الهادية اللي شغالة ف الهاندفري وبس


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة شوية نوم ومزيكا وتكبير دماغ كتير جدا


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والمائية والهوائية..


حظك اليوم برج العذراء دوت مصر


إعرف حظك اليوم برج العذراء بالتفصيل الأحد 14/1/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مسيرك هتنبسط.. ادي نفسك بس مساحة ووقت كافي وان شاء الله كل حاجة هتمشي زي مانتا عاوز ويمكن اجمل كمان.. شوية تفاؤل بس مش أكتر..


برج العذراء عملياً 


( الشغل والمذاكرة والتخطيط لبكرة ):


محتاج تبطل ملل وتكسر حدة الروتين النهاردة بأي شكل من الاشكال ولو معرفتش متزعلش..


برج العذراء صحياً 


( نفسيا وجسمانيا وكل مايخص طاسة المزاج ):


صحتك تمام بس نفسيتك محتاجة شوية بطاطس صوابع مقرمشة كتير جدا مع بقسماط وجبنة بيضا مزبدة ووكباية شاي عادي مش فتلة معمول ف براد قديم ازرق..


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والنارية والمائية..


حظك اليوم برج الميزان دوت مصر


إعرف حظك اليوم برج الميزان بالتفصيل الأحد 14/1/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


انتا الضهر والسند الاساسي لنفسك.. انتا الصديق لعقلك ولخيالك مش اي حد تاني.. راعي دة بليز وتعامل مع الحياة بواقعية.


برج الميزان عملياً 


( الشغل والمذاكرة والتخطيط لبكرة ):


متشغلش بالك بتفاصيل حياة حد من اللي حواليك وركز ف حياتك انتا وبس النهاردة.. اللي يركز مع الناس بيتعب


برج الميزان صحياً 


( نفسيا وجسمانيا وكل مايخص طاسة المزاج ):


صحتك محتاجة النهاردة تتحرك ف الشمس حبة وتضحك اكتر ما تتنكد


تعرف على توافق برج الميزان مع باقي الأبراج النهاردة:


متوافق مع الابراج الدرامية والفضية والمائية والترابية..


حظك اليوم برج العقرب دوت مصر


إعرف حظك اليوم برج العقرب بالتفصيل الأحد 14/1/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


عاطفيا الوضع مش مستقر وفي شحتفة ف الاجواء واللي لما بتمتزج بأجواء الشتا بيخرج منها شحتفة اكبر واكبر خصوصا وان مواجهة ليالي الشتا الطويلة الوحيدة بتتطلب شجاعة قد لا تكون موجودة عندك اليومين دول..


برج العقرب عملياً 


( الشغل والمذاكرة والتخطيط لبكرة ):


متتعالاش على حد بيحاول ينصحك لمصلحتك واسمع الكلام واعقله وبعد كدة ابقى اعمله او متعملوش انتا حر..


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة تروح سينما وتتعشى برة اي أكل بسيط وخفيف..


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والبرطمانية والهوائية والترابية..


حظك اليوم برج القوس دوت مصر


إعرف حظك اليوم برج القوس بالتفصيل الأحد 14/1/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


متزعليش نفسك.. الرجالة ف الكوكب دة على قفا مين يشيل ومفيش اكتر منهم..


برج القوس عملياً 


( الشغل والمذاكرة والتخطيط لبكرة ):


مهم النهاردة تركز ف بكرة عشان تبقى جاهز لما ييجي بكرة ومتقعدش تفكر ف بعد بكرة


برج القوس صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة تبطل شحتفة وتواجه مصيرك ف الحياة بشجاعة..


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والترابية والبرمائية..


حظك اليوم برج الجدي دوت مصر


إعرف حظك اليوم برج الجدي بالتفصيل الأحد 14/1/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


شياكة واناقة وجاذبية النهاردة.. حاول تستفيد من الحاجات دي عشان تدعم موقفك خصوصا ف وسط التقصير الشنيع اللي بتقصره ف جوانب كتير من حياتك وتجاه اشخاص هما ف الاساس بيحبوك ومستحملينك محدش عارف على ايه..


برج الجدي عملياً 


( الشغل والمذاكرة والتخطيط لبكرة ):


خلي بالك من العربيات وانتا بتعدي الشارع النهاردة


برج الجدي صحياً 


( نفسيا وجسمانيا وكل مايخص طاسة المزاج ):


صحيا انتا محتاج النهاردة تقرا رواية حلوة طويلة لوحدك مع شوية فشار ولب وسوداني..


تعرف على توافق برج الجدي مع باقي الأبراج النهاردة:


متوافق مع الابراج المرمرية والحنكوشية والترابية والمائية..


حظك اليوم برج الدلو دوت مصر


إعرف حظك اليوم برج الدلو بالتفصيل الأحد 14/1/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاجتين انتا مبتحبهمش ابدا ولا بتستحملهم مهما كان.. الناس اللي بتعقد كل حاجة والناس اللي فاكرة نفسها عارفة كل حاجة.. طز ف الاتنين وركز ف المزيكا والنوم والرقص والانبساط ومتردش على اي مكالمات ملهاش عازة النهاردة..


برج الدلو عملياً 


( الشغل والمذاكرة والتخطيط لبكرة ):


على وضعك النهاردة جدا.. متألق وجميل.. على وضعك


برج الدلو صحياً 


( نفسيا وجسمانيا وكل مايخص طاسة المزاج ):


صحتك كويسة بس حاول تاخد الدوا ف مواعيده ومتنساش من فضلك..


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والنارية..


حظك اليوم برج الحوت دوت مصر


إعرف حظك اليوم برج الحوت بالتفصيل الأحد 14/1/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


لحد امتى هتفضل تبدي اندهاشك من نواتج افعالك.. ادعائك للبراءة مش هينفعك وهتتكشف.. خد بالك


برج الحوت عملياً 


( الشغل والمذاكرة والتخطيط لبكرة ):


مهم تواجه نفسك النهاردة وتتحمل مسئولية افعالك بشجاعة والا هتبقى بشخصيتين متناقضين تماما وغير بعض ف الاخر


برج الحوت صحياً 


( نفسيا وجسمانيا وكل مايخص طاسة المزاج ):


صحتك محتاجة منك تقعد ف البانيو ف مية سخنة نص ساعة ومتغنيش خالص عشان متعملش لنفسك عكوسات..


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والترابية..



اعلان حظك اليوم دوت مصر


 

تابعونا على


الأكثر مشاهدة

ما وراء الخبر
أخبار
دوت تي في
بيزنس
خليج
فن ومنوعات
دوت كورة
مقالات