التوقيت الجمعة، 20 يوليه 2018
التوقيت 12:16 م , بتوقيت القاهرة
رئيس التحرير: هاني رفعـت
رئيس التحرير: هاني رفعـت
|

تابعونا على

|

فن ومنوعات

برج الدلو

برج الدلو حظك اليوم الجمعة 12/1/2018 ..خليك كيوت أحسن

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


برج الدلو


حظك اليوم برج الدلو عاطفياً


( الكراش والإكس والبوي والجيرل فريند والجوز والزوجة والقرايب ):


 


بلاش عدوانية عاطفية على حد بيحبك النهاردة.. كل الناس بتغلط وانتا اولهم.. مهم تتسامح مع اللي غلط عشان الحياة تمشي وتستمر.. ومهم برضة تقعد مع نفسك تستوعب الكلام دة بهدوء قبل اي حاجة..


حظك اليوم برج الدلو عملياً 


( الشغل والمذاكرة والتخطيط لبكرة ):


خليك مسالم وكيوت النهاردة احسن من اي حاجة تانية.. دور الشر مش لايق عليك وخصوصا الشر الفج الواضح العلني دة.. بلاش منه خالص بليز.. خليك على طبيعتك احسن 


 


حظك اليوم برج الدلو صحياً 


( نفسيا وجسمانيا وكل مايخص طاسة المزاج ):


صحتك النهاردة مستقرة الي حد ما بس حاول تسعى تخليها احسن واحسن عشان تعرف تنبسط بتواجدك على كوكب الارض لأطول فترة ممكنة بدون منغصات.. انتا مهم لكوكب الارض جدا والله.. خد بالك من نفسك كويس 


حظك الغذائي


غذائيا النهاردة تقدر تتجه للكبدة والبطاطس المحمرة مع شوية رز بشعرية كدة واي خضار يعجبك وان كان يحبذ تتجه للبامية..


شعارك اليوم:


ف أول الكلام وعشان كل حاجة تبقى تمام.. عبّر الناس الأول بسلام..


لونك اليوم:


تركواز ..


إعرف توافق برج الدلو مع باقي الأبراج النهاردة


متوافق مع الابراج الكستبانية والدخانية والمونوكرومية والمائية والنارية..


من مشاهير برج الدلو


Tiffani Thiessen برج الدلو



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الدلو

تابعونا على


الأكثر مشاهدة

ما وراء الخبر
أخبار
دوت تي في
بيزنس
خليج
فن ومنوعات
دوت كورة
مقالات