التوقيت الجمعة، 29 مارس 2024
التوقيت 05:41 م , بتوقيت القاهرة

الجزارة الكيوت: مانيكيرى الدم .. وهجمة التور بموتة

منذ نعومة اظافرها وهى تبحث عن العمل والنجاح الذى يرتبط به الصبر حتى عملت اول تاجرة مواشى فى الزقازيق ولم تقف عند هذه الخطوة هدير "ام مازن" او ما تعرف بالجزارة الكيوت اول جزارة فى الزقازيق قررت دخول المهنة بعد عملها فى تجارة المواشي والغنم، فتقول، " مهنة الجزارة فى الاصل للرجالة بس احنا اثبتنا وجودنا فيها والدم ده ماينيكيرى وايدى متقطعه من المهنة ولما ببص فيها بكون مبسوطة لانها ايد شقة وتعب".
 
 
 
 
 
وتابعت "ام مازن"، الجزارة مهنة فيها حيتان ولو مكنتش قدها مكنتش دخلتها لازم تثبت وجودك فى المهنة ويكون قلبك ميت وانا موته من سنين، الزباين بتحبنى وبيحبوا يتعاملوا معايا لانى بنقلهم احسن حاجة ".
 
واردفت، بكيت فى اول دبيحة ليا لان العجل اللى دبحته انا اللى مربياه وبعدها قلبى مات وبقيت ادبح عادى ، العجل الطلق هو اللى يتخاف منه والغلطة معاه بموته اما المربوط فا بيكون مسالم .
 
واستكملت، فى مرة كنت طالعه لايف من صفحتى وسط العجول المطلوقه ونطحنى عجل رمانى ٦ متر قدام وكانت حادثة مشهورة وربنا سلم ونجيت منها باعجوبة.