التوقيت السبت، 19 أكتوبر 2019
التوقيت 11:13 ص , بتوقيت القاهرة

السيسى: 2 مليون وحدة سكنية فى 7 سنوات.. مين يقدر يعمل كده؟

السيسى
السيسى

قال الرئيس عبد الفتاح السيسى إنه تم إنشاء 2 مليون وحدة سكنية فى 7 سنوات في مصر، مضيفا: "مين يقدر يعمل كده فى العالم.. لا يوجد دولة الحكومة تقوم فيها ببناء 2 مليون وحدة سكنية إلا فى دولة واحدة عدد سكانها كبير جدا.. مفيش دولة الحكومة تقوم فيها ببناء 2 مليون وحدة سكنية فى العالم.. لايمكن". 

وأضاف الرئيس السيسى خلال افتتاحه عددا من المشروعات التنموية، أن مبادرة قوائم الانتظار تستمر على مدى السنوات الثلاث المقبلة، مضيفا: " أنا ملقتش حتى فى الإعلام ابدا يتناول المسألة علشان يشكل منطق وموضوعية لدى الناس على حكاية المبادرة أيه وبتتعمل إزاى.. كل ما الدول تتقدم كل ما حجم الخدمات وتكلفتها يبقى ضخم جدا.. الدول الغنية التى لا يزيد عدد سكانها لديها مشكلة فى توفير المطالب لمواطنيها".

وتابع الرئيس : "محدش عارف الحكاية فيها اية ومحدش عارف تكلفة الدول تمشى ازاى.. الناس بتفكر تاكل ويشرب ويدخل اطفاله مدرسة.. لكن النهاردة علشان تعمل محطات صرف صحى ومياه وكهرباء وإسكان اجتماعى  داخل فى 1.6 تريليون.. مش تشوفوا الدولة دخلها كام.. والـ100 مليون دخلهم كام".