التوقيت الإثنين، 10 ديسمبر 2018
التوقيت 01:06 م , بتوقيت القاهرة

لهذا السبب أعفى الرئيس أصحاب الاقتصاد الغير رسمي من الضرائب 5 سنوات

الرئيس عبد الفتاح السيسي
الرئيس عبد الفتاح السيسي

أكد الرئيس عبد الفتاح السيسي، أن الاقتصاد غير الرسمي مهم جدا، متابعًا:" إنه يمثل الناس اللي بتشتغل وبياناتها مش موجودة لدى الحكومة وملهاش أي وثائق خاصة بيها، الناس فاكرينا عاوزنهم معانا عشان الضرايب لكن أنا بقولكوا ادخلوا الاقتصاد الرسمي ومعاكوا 5 سنين إعفاء من الضرائب".

وتابع الرئيس، خلال كلمته بجلسة "رؤية شبابية لمصر للأربع سنوات القادمة" ضمن فعاليات المؤتمر الوطني الخامس للشباب، ادخلوا عشان لو حابين تكبروا الصناعة بتاعتكوا تقدروا تدخلوا البنك وتاخدوا منه وتكبروا صناعتكم، لأن ده اللي بيضخ في المجتمع وبيصرف على ناس كتير إحنا مش شايفنهم، لأن بياناتهم مش واصلالنا، وده اللي مخلي ناس تاكل عيش رغم التحديات اللي مرت بيها الدولة خلال 7 سنين".

وأضاف السيسي، أن أصحاب الاقتصاد غير الرسمي لا يرغبون في سداد تأمينات للعاملين لديهم، قائلا: "خلوا بالكم تصور إن ابنك بيشتغل عند حد وملوش تأمينات، وكبر ومابقاش قادر يشتغل، إوعوا تفتكروا إن الإصلاح صلاة وصوم بس، الإصلاح إنك تصلح الناس كمان، وتحافظ على حياتهم وعلى مستقبلهم".