التوقيت الجمعة، 17 أغسطس 2018
التوقيت 11:19 م , بتوقيت القاهرة

السيسي عن تصريحات وزير النقل: "يسامحوك أيه يا دكتور مفيش خيار تاني علشان البلد تقوم"

الرئيس عبد الفتاح السيسي

علق الرئيس عبد الفتاح السيسي، على تصريحات وزير النقل، الدكتور هشام عرفات عبر الوسائل الإعلامية بأن "يسامحه الشعب بعد قرار رفع أسعار تذاكر المترو"، قائلا: "يسامحوك أيه يا دكتور، يقولك سامحوني هو فيه خيار تاني، البلاد مابتقومش غير بالقرارات الصعبة، إحنا مش جايين نقعد معاكم يومين ونمشى.. لا والله، إحنا بنحاول بفضل الله ناخد الإجراء، ولو ماختش القرارات دى محدش تاني هايخودها، محدش يخش التحدى والناس تطلع تزعقله وتقوله ارحل، لكن لو انتو قولتولى ارحل هاقولكم سلام عليكم".

وتابع الرئيس، خلال كلمته بجلسة "رؤية شبابية لمصر للأربع سنوات القادمة، ضمن فعاليات المؤتمر الوطني الخامس للشباب، أن " يا البلد تبقى بلد ونقوم ونقف على رجلينا مظبوط، وده مش أمر مش بسيط ومحتاج نفهم احنا مين وظروفنا إيه ومحتاجين نعمل ايه ونستحمل اللى نعمله، وهذه خطة عمل بقالها 4 سنوات فى جميع القطاعات، كهرباء ومياه وصرف صحى، مافيش خيار تانى.